SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

СамДВМЧБУ Нукус филиалининг илк битирувчиларига диплом топширилди

Жорий йилнинг 20 июль куни Самарқанд давлат ветеринария медицинаси, чорвачилик ва биотехнологиялар университети Нукус филиалининг 2021-2022 ўқув йили битирувчиларига диплом топширилди.

Ветеринария медицинаси, Зооинженерия (йилқичилик ва туячилик), Зооинженерия (балиқчилик) йўналишлари бўйича таҳсил олган жами 36 нафар талаба мутахассислиги бўйича дипломга эга бўлишди.

Филиал директори Адилбай Есимбетов сўзга чиқиб, филиал тарихидаги илк битирувчиларни самимий табриклаб, келгусида муваффақиятлар тилади.

— Илк қадамларимизни сизлар билан бирга қўйган эдик. Мана орадан 4 йил ўтиб, илк қарлиғочлар сифатида қанот ёзишга тайёр ҳолатда турибсиз. Албатта, ҳар бирингиз Республикамизда Ветеринария ва чорвачилик соҳаси ривожида ўзингизнинг муносиб ҳиссангизни қўшишингизга катта ишонч билдирамиз — дейди Адилбай Есимбетов.

Филиал тарихида илк битирувчилар бўлиб муҳирланиб қоладиган мазкур ёшлар юксакларга парвоз қилишига ишонч билдирамиз!