Эсселар ва иншолар танловининг ғолиблари тақдирланди

Эсингизда бўлса, филиал талабалари орасида “Янги Ўзбекистонни ўзимиз, ўз қўлларимиз билан бунёд этамиз” шиори остида республика эсселар танловининг филиал босқичи ўтказилганлиги ҳақида хабар берган эдик. Бугун эса ушбу танлов ғолиблари ҳамда 15 май—Халқаро оила куни муносабати билан «Тасаввуримдаги бўлажак рафиқам» ва «Оилада эркакнинг ўрни» мавзуларида ўтказилган иншолар танловининг 3 нафар энг яхши муаллифлари тақдирланди. Тадбирда Ёшлар масалалари ва маънавий-маърифий ишлар бўйича директор ўринбосари С.Ганиев, матбуот котиби З.Хожамуратова, Ёшлар билан ишлаш, маънавият ва маърифат бўлими бошлиғи А.Сейткамаловлар сўзга чиқиб, талабалар орасида иқтидорга эга бўлган ижодкор ёшларни ҳар томонлама қўллаб-қувватлаб ҳамда уларни тақдирлаб бориш орқали қизиқишлари янада ортишига замин яратиб бериш муҳим аҳамият касб этиши, айниқса шу каби танловлар уларнинг ўз иқтидорларини намоён этишлари ва ташаббускорлигини янада ошириш учун хизмат қилиши борасида ўз фикр ва мулоҳазаларини билдириб ўтди. Шундан сўнг, 6 нафар талабага муносиб ўринларни эгаллагани учун диплом топширилди. 

“Янги Ўзбекистонни ўзимиз, ўз қўлларимиз билан бунёд этамиз” шиори остида республика эсселар танлови бўйича:

1-ўрин-1-босқич 107-гуруҳ талабаси А.Турсунов;

2-ўрин-2-босқич 206-гуруҳ талабаси Н.Рейпназарова;

3-ўрин-1-босқич 111-гуруҳ талабаси И.Турсинбаева.

«Тасаввуримдаги бўлажак рафиқам» ва «Оилада эркакнинг ўрни» мавзуларида ўтказилган иншолар танлови бўйича:

1-ўрин-2-босқич 211-гуруҳ талабаси В.Жолдасбаева;

2-ўрин-2-босқич 211-гуруҳ талабаси А.Сарсенбаева;

3-ўрин-2-босқич 208-гуруҳ талабаси М.Утемисов.