Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Беғубор қалб эгаларига совғалар топширилди
Бугун 1 июнь—Халқаро болаларни ҳимоя қилиш куни муносабати билан Самарқанд давлат ветеринария медицинаси, чорвачилик ва биотехнологиялар университети Нукус филиали директори Адилбай Есимбетов раҳбарлигида филиал ходимларининг фарзандларига совға-саломлар топширилди. Бунда Ёшлар билан ишлаш, маънавият ва маърифат бўлими ҳамда Касаба уюшмаси қўмитаси ташаббускорлик кўрсатди. Ажойиб байрам муносабати билан филиалда фаолият олиб бораётган ишчи-ходимларнинг жажжи болажонларига табассум ҳамда байрам шодиёнасини улашиш мақсадида ташкил этилган тадбир давомида Адилбай Есимбетов сўзга чиқиб, бугунги байрам билан барча ота-оналарни ҳамда болажонларни самимий табриклади. — Ушбу лаҳзаларда ширин болажонлар кўзида акс этган бир олам қувонч барчамизнинг беғубор болалик хотираларимизни уйғотган бўлса ажаб эмас—дейди Адилбай Есимбетов. Бир сўз билан айтганда, филиалда бугунги куннинг жажжи қаҳрамонлари учун ҳақиқий байрам атмосфераси яратилди. Болакайларнинг биргина жилмайишига дунёларни берсангиз арзийди. Катталар томонидан ўзларига кўрсатилган эътибор ҳамда совға-саломлар тўпланган болаларни жуда севинтирди. Уларнинг ота-оналари эса мамнуният билан ташкилотчиларга миннатдорчилик изҳор этишди. Тадбир давомида барчамиз бир зумга ўша қалбимиз қумсаган беғубор болалик даврларига қайтгандек бўлдик.
Филиал матбуот хизмати
