Талабамиз форум доирасида ўтказилган спортнинг армрестлинг тури бўйича ғолибликни қўлга киритди

Хабарингиз бор, пойтахтимиз Нукус шаҳрида Тошкент шаҳар ҳокимлиги билан ҳамкорликда “5 ташаббус ҳаракати Нукус 2022” шиори остида форум ташкил этилган эди. Ушбу форум доирасида ҳар хил спорт турларидан мусобақалар ўтказилди. Қувонарлиси, филиалимизнинг Зооинженерия(балиқчилик) йўналиши 3-босқич талабаси Д.Юлдашев спортнинг армрестлинг тури бўйича мутлоқ ғолибликни қўлга киритиб, 1-ўрин медалига сазовор бўлди. Мазкур талабамизни филиал директори Адилбай Есимбетов ғалаба муносабати билан самимий табриклаб, диплом ва медални топширди. — Шижоатли талабаларнинг интилишлари ҳамда самарали натижалари  ҳар дойим менга мотивация беради. Уларнинг спорт соҳасида ҳам фаоллиги эса мени янада қувонтиради—дейди  филиал директори Адилбай Есимбетов. Маълумот учун, “5 ташаббус ҳаракати Нукус 2022” шиори остида кўтаринки руҳда ташкил этилган форумда спорт мусобақаларидан ташқари “Fashion night” модалар кўргазмаси ва “Билим ринг” интеллектуал ўйини ҳам ўтказилди. Филиал талабасининг рақибларини мағлуб этиб ғолиб бўлганлиги ва ташкилотчилар томонидан муносиб тақдирланганлиги бизни ҳам севинтирди.  

Филиал матбуот хизмати