Филиал директори мактабдаги битирув кечасида иштирок этди

Бугун, яъни 25 май куни барча умумтаълим мактабларининг битирувчи синф ўқувчи-ёшлари  учун ҳаёжонли ва унутилмас кун.   Ушбу сана ҳар биримизнинг қалбимизга ширин хотиралар билан муҳирланган.Республикамиз бўйлаб ўтказилаётган битирув кечасида Самарқанд давлат ветеринария медицинаси, чорвачилик ва биотехнологиялар университети Нукус филиали раҳбарияти фаол иштирок этишди. Жумладан, филиал директори Адилбай Есимбетов Ёшлар масалалари ва маънавий-маърифий ишлар бўйича директор ўринбосари С.Ганиев билан биргаликдапойтахтимиздаги 45-сон умумтаълим мактабига ташриф буюриб, дастлаб Муҳтарам Президентимизнинг мактаб битирувчиларига йўллаган самимий табригини етказди.  Янги ҳаёт остонасига қадам қуйишга ҳозир бўлган ўқувчи-ёшларни бугунги сўнгги қўнғироқ тадбири билан қизғин тарзда табриклаб, энг эзгу тилакларни билдирди. 

А.Есимбетов ўз нутқида: «Сиз ёшлардан умидимиз катта. Қанотларингизни кенг ёзиб фақат ва фақат баландларга парвоз қилинг, мақсадларингиз сари интилинг! Бунинг учун сизларга барча имконият эшиклари очиб қўйилган»-дея таъкидлаб ўтди. Шунингдек, тадбир доирасида фаол ўқувчилар учун мактаб раҳбарияти томонидан тайёрланган дипломларни тантанали равишда ўз эгалларига топширди. Битирув кечаси кўтаринки кайфиятда бўлиб ўтди.