Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Филиал директори Бўзатов туманидаги умумтаълим мактабларига ташриф буюрди
Барчамизга маълумки, Муҳтарам Президентимиз ташаббуси билан олий таълим муассасалари ҳамда умумтаълим мактаблари ҳамкорлигини йўлга қўйиш орқали ўқувчи ёшларнинг билимларни янада чуқур ўзлаштириши, мактабларда таълим сифатини ошириш ҳамда ҳар томонлама қўллаб-қувватлаш мақсадида чора-тадбирлар амалга оширилиб келмоқда. Жумладан, Самарқанд давлат ветеринария медицинаси, чорвачилик ва биотехнологиялар университети Нукус филиали Қорақалпоғистон Республикасидаги умумтаълим мактабларида таълим ва тарбия жараёнларини яхшилаш мақсадида ОТМларга бириктирилган мактаблар бўйича тасдиқланган жадвал асосида филиалга Бўзатов туманидаги бириктирилган умумтаълим мактаблари билан самарали ҳамкорликни изчил давом эттирмоқда. Бугун, яъни 20 май куни филиал директори Адилбай Есимбетов раҳбарлигида Ёшлар билан ишлаш, маънавият ва маърифат бўлими бошлиғи А.Сейткамалов, Ёшлар билан ишлаш бўйича декан ўринбосари Е.Сейтмуратов ҳамда кафедра мудирлари ҳамроҳлигида филиал жамоаси Бўзатов туманига ташриф буюрди. Мазкур ташрифдан кўзланган асосий мақсад тумандаги умумтаълим мактабларидаги ўқув жараёнлари билан яқиндан танишиш, ўқувчи-ёшлар билан очиқ мулоқот олиб бориб, уларнинг фикр ва таклифларини ўрганиш, таълим сифати ҳамда ўқитувчиларнинг касбий маҳоратларини оширишда амалий ёрдам кўрсатишдан иборат. Ташриф аввалида филиал жамоасини тумандаги тегишли мутассадилар ва мактаб раҳбарияти самимий кутиб олиб, ўзаро суҳбат олиб борилди. Бундан сўнг 1-сон умумтаълим мактабида директор Адилбай Есимбетов битирувчи синф ўқувчи-ёшлари билан учрашув ўтказди. Ушбу тадбирда тумандаги мактабларнинг битирувчи синф ўқувчилари ва уларнинг ота-оналари иштирок этишди. Самимий тарзда олиб борилган мулоқот давомида А.Есимбетов Давлатимиз раҳбари томонидан таълим соҳасига қаратилаётган катта эътибор, тизимни изчил ривожлантириш бўйича амалга оширилаётган ишлар ҳақида тўхталиб, олий таълим муассасаларига ўқишга кириш учун ёшларга яратилаётган кенг имкониятлар ва имтиёзлар бўйича гапириб берди. Шунингдек, филиал фаолияти ва бўлажак мутахассисларга етук билим бериш мақсадида яратилган ва яратилаётган шарт-шароитлар, сўнгги йилларда мамлакатимиз томонидан ветеринария ва чорвачилик соҳасига алоҳида эътибор қаратилаётганлиги борасида батафсил маълумотларни бериб ўтди. —Бугун мактаб ўқувчилари учун шундай катта имкониятлар мавжуд, кўриб туриб ҳавас қиласан киши. Ёшлардан фақат мана шундай зўр шароитлардан унумли фойдаланиш талаб қилинади—дейди филиал директори Адилбай Есимбетов. Шунингдек, Тўлепберген Қаипбергенов номли давлат стипендияси соҳибаси А.Досекеева ва филиалдаги намунали талабалар сўзга чиқиб, ўқув жараёни ва устозлари ҳақида гапириб берди. Учрашув доирасида ўқувчиларни филиал фаолияти билан янада яқиндан таништириш мақсадида кўргазма ҳам ташкил этилди. Ташрифнинг расмий қисми якунлангандан сўнг 3-сон умумтаълим мактабида ўқувчи қизлар орасида спортнинг баскетбол туридан филиал биринчилиги ўтказилди. Унда тумандаги мактабларнинг 9-11 синф ўқувчи қизларидан ташкил топган жами 10 та жамоа иштирок этишди. Қизғин бахс ва мунозараларга бой кечган мусобақанинг якуний натижаларига кўра 1-ўринни 3-сон мактаб ўқувчиларидан таркиб топган жамоа эгаллади. 4-сон умумтаълим мактаб ўқувчи қизлари эса 2-ўринни, 1-сон мактаб жамоаси 3-ўринни эгаллади. Ғолибларга диплом ва медаль ҳамда қимматбаҳо совғалар тантанали равишда топширилди. Ўқувчи ёшларнинг бўш вақтини мазмунли ташкил этиш ва билимларини синовдан ўтказиш мақсадида “Заковат интеллектуал” ўйини ташкил этилди. Жами 9 та жамоа иштирок этган ўйинда 18 та мантиқий савол ўйналди. Ўйин якунида 6-сон умумтаълим мактаб ўқувчиларининг “Аргумент” жамоаси 1-ўринни, 11-сон умумтаълим мактаб ўқувчиларидан таркиб топган “Аспантай” жамоаси 2-ўринни, 3-сон “Олигарх” жамоаси эса 3-ўринни эгаллади. Ғолиблар диплом ва қимматбаҳо совғалар билан муносиб тақдирланди. Бугунги ташриф доирасида шу сингари кўплаб тадбирлар ташкил этилиб, ўқувчи ёшларга хушкайфият бағишланди. Мактаб раҳбарияти филиал жамоасига чуқур миннатдорчилигини изҳор этишди. Филиал директори А.Есимбетов келгусида Бўзатов туманидаги бириктирилган умумтаълим мактаблари билан самарали ҳамкорлик давом этишини алоҳида таъкидлаб ўтди.
Филиал матбуот хизмати 
