Талабалар Республика эсселар танловида фаол иштирок этишди

Самарқанд давлат ветеринария медицинаси, чорвачилик ва биотехнологиялар университети Нукус филиалида Олий ва ўрта махсус таълим вазирлиги ҳамда вазирлик ҳузуридаги Маънавият ва маърифат маркази томонидан эълон қилинган “Янги Ўзбекистонни ўзимиз, ўз қўлларимиз билан бунёд этамиз” шиори остида республика эсселар танловининг филиал босқичи ўтказилган эди. Унда 25 нафарга яқин талаба-ёшлар иштирок этишиб, мавзу бўйича эссе ёзишди. Филиал босқичининг якуний натижаларига кўра, 1-ўринни 1-босқич 107-гуруҳ талабаси А.Турсунов эгаллади. 2-ўрин эса 2-босқич 206-гуруҳ талабаси Н.Рейпназаровага насиб этган бўлса, 1-босқич 111-гуруҳ талабаси И.Турсинбаева 3-ўринни эгаллади. Мазкур 3 нафар талабамиз Ёшлар билан ишлаш, маънавият ва маърифат бўлими бошлиғи А.Сейткамалов ҳамроҳлигида қорақалпоғистон Республикаси ОТМларида таҳсил олаётган талабалар орасида ўтказиладиган танловнинг Республика босқичига йўлланма олган эди. Бердақ номидаги Қорақалпоқ давлат университетида бўлиб ўтган босқичида филиал талабалари иштирок этишиб, ўз иқтидорларини намойиш этишди. Республикамиздаги барча ОТМ талабалари мавзу бўйича ўз фикр-мулоҳазаларини билдирган ҳолда эсселар танловида фаол иштирок этишди. Якуний натижаларга қўра эса, Нукус давлат педагогика институти талабаси биринчи ўринни, Тошкент ахборот технологиялари университети Нукус филиалининг талабаси иккинчи ўринни, Бердақ номидаги Қорақалпоқ давлат университети талабаси учинич ўринни қўлга киритишди. Ушбу танловда  фаол иштирок этиб, мазмунли эссе ёзган талабалар номинациялар билан тақдирланди. Жумладан, филиалимиз талабаси А.Турсунов «Энг яхши ёшлар сиёсатчиси» номинацияси билан тақдирланди. Икки нафар талабамизга эса фаҳрий ёрлиқ ва эсдалик совғалари топширилди.

Филиал матбуот хизмати