Мактабнинг битирувчи синф ўкувчилари билан учрашув бўлиб ўтди

Республикамиздаги умумтаълим мактабларида таҳсил олаётган битирувчи синф ўқувчиларнинг олий таълимга қамровини кенгайтириш мақсадида шаҳар ва туманлардаги мактабларда олий таълим муассасалари вакиллари томонидан учрашувлар ташкил этилиши бўйича тасдиқланган жадвал асосида 9 та олий ўқув юртидан бириктирилган вакиллар Чимбой туманига ташриф буюриб, у ердаги умумтаълим мактабларининг битирувчи синф ўқувчилари билан учрашув ўтказди. Ушбу тадбирда Самарқанд давлат ветеринария медицинаси, чорвачилик ва биотехнологиялар университети Нукус филиалининг «Зооинженерия» кафедраси мудираси Амина  Торешова бириктирилган вакил сифатида фаол иштирок этди. Тумандаги тегишли мутассадилар ташриф буюрган меҳмонларни самимий кутиб олиб, тумандаги 38-сон мактабда бир нечта мактабларнинг битирувчи синф ўқувчилари билан учрашув ташкил этиб беришди. Ўқувчи-ёшлар билан олиб борилган мулоқот давомида ҳар бир вакил ўзининг олий таълим муассасаси фаолияти ҳақида батафсил маълумотларни бериб ўтди. Жумладан, филиалимиздан ташриф буюрган А.Торешова сўзга чиқиб, битирувчи синф ўқувчиларига филиалнинг ташкил этиш тарихидан бошлаб то бугунги кунга қадар фаолияти ва Ўзбекистон Республикаси Президентининг 2022 йил 31 мартдаги “Ветеринария ва чорвачилик соҳасида кадрлар тайёрлаш тизимини тубдан такомиллаштириш тўғрисида”ги қарорига асосан, таянч ўқув юртимиз Самарқанд ветеринария медицинаси, чорвачилик ва биотехнологиялар университети сифатида ташкил этилиб, филиалимиз университет филиали бўлиб қайта номланиши ҳақида тўхталиб, эндиликда имкониятлар янада кенгайиши борасида гапирди. Шунингдек, таҳсил олаётган талабаларга яратилган шарт-шароитлар, таълим йўналишлари, ўқув жараёни ҳақида керакли маълумотларни бериб ўтди. — Барчамизга маълумки, сўнгги йилларда ветеринария ва чорвачилик соҳасига қаратилаётган алоҳида эътибор натижасида ушбу соҳа изчил ривожланиб, ёш кадрларга бўлган талаб ортиб бормоқда. Агар орангизда соҳага қизиқувчилар бўлса, етук мутахассис бўлишингиз учун етарлича имкониятлар мавжуд эканлигини алоҳида таъкидлаб ўтмоқчиман. — дейди ўз сўзида А.Торешова. Мактаб ўқувчилари билан бўлиб ўтган суҳбат давомида уларга олий таълим соҳаси бўйича батафсил маълумотлар ва кенг тушунчалар берилди.