Кураш мусобақасида талабалар муносиб ўринларни эгаллашди

Жорий йилнинг 6 май куни Ажиниёз номидаги Нукус давлат педагогика институти спорт саройида 9 май—Хотира ва қадрлаш куни муносабати билан марҳум ўқитувчиларнинг ёрқин хотирасига бағишлаб кураш миллий спорти бўйича мусобақа ташкил этилди. Ушбу мусобақада республикамиздаги барча олий таълим муассасалари талабалари иштирок этишди. Жумладан, Самарқанд давлат ветеринария медицинаси, чорвачилик ва биотехнологиялар университети Нукус филиали талабалари ҳам фаол қатнашди. Директор маслаҳатчиси З.Сапарбаев ва Ёшлар билан ишлаш бўйича декан ўринбосари Е.Сейтмуратов бўлиб ўтган беллашув давомида талабаларни руҳлантириб турди. Қизғин тарзда кечган мусобақа давомида талаба-ёшлар ҳар хил вазн тоифасида ўзаро беллашди. Аҳамиятлиси, филиал талаба-ёшлари муносиб ўринларни эгаллашга муваффақ бўлишди. Якуний натижаларга кўра, ўғил болалар орасида 73 кг вазн тоифасида беллашувларда талабамиз А.Дауленов 2-ўринни эгаллаган бўлса, қизлар орасидаги беллашувларда эса А.Ештаева 52 кг. оғирликда 2-ўринни қўлга киритди. Шунингдек, ўғил болалар орасида +81 килограммда Р.Жанибеков ҳамда 73 килограммда А.Уалийбергеновлар, қизлар орасида 63 кг. оғирликда С.Узақбаева 3-ўринни эгаллаб диплом ва эсдалик совғалари билан тақдирланишди. Шунингдек, филиал директори Адилбай Есимбетов томонидан ғолибларга диплом ва эсдалик совғалари топширилди. Албатта, палвон талабаларимизнинг эришган ижобий натижалари бизни севинтирди. Келгусида уларга фақат зафарлар тилаб қоламиз.