Бутунжаҳон меҳнатни муҳофаза қилиш куни муносабати билан учрашув ўтказилди

Маълумки, 28 апрель – Бутунжаҳон меҳнатни муҳофаза қилиш куни сифатида кенг нишонланади. Ушбу сана муносабати билан  жорий йилнинг 27 апрель куни Самарқанд давлат ветеринария медицинаси, чорвачилик ва биотехнологиялар университети Нукус филиалида соҳа вакиллари иштирокида учрашув  бўлиб ўтди. Тадбирда Ўзбекистон касаба уюшмалари федерацияси,  Қорақалпоғистон Кенгаши меҳнатни муҳофаза қилиш бўлими бош мутахассиси С.Уразимбетов, “Узагросуғурта” АЖ Қорақалпоғистон Республикаси филиали бошқарувчисининг ўринбосари А.Сабуров, Ёшлар масалалари ва маънавий-маърифий ишлар бўйича директор ўринбосари С.Ганиев, директор маслаҳатчиси З.Сапарбаев, ветеринария ва зооинженерия факультети декани А.Каниязов, филиал ходимлари ҳамда талаба-ёшлар иштирок этишди. Учрашувни Ёшлар масалалари ва маънавий-маърифий ишлар бўйича директор ўринбосари С.Ганиев кириш сўзи билан очиб бериб, ташриф буюрган меҳмонлар билан таништириб ўтди. Тадбир давомида мутахассислар томонидан сўнгги йилларда меҳнатни муҳофаза қилиш бўйича  олиб борилаётган ишлар ҳамда ушбу йўналишда ходимлар учун қулай иш шароитларини яратиш борасида амалга оширилаётган чора-тадбирлар ҳақида тўхталиб ўтилди. Меҳнат муҳофаза қилишга оид талабларнинг бузилиш ҳолатларини бартараф қилиш ва меҳнат муҳофазасининг ҳуқуқий асослари бўйича кенг тушунчалар берилди. Шунингдек, филиал касаба уюшмаси қўмитаси раиси Г.Қазақбаева сўзга чиқиб, тегишли мавзу бўйича маъруза қилди. Иштирокчиларда янада аниқ тушунчаларни ҳосил қилиш мақсадида мавзуга оид қизиқарли видеороликлар намойиш этилди. Филиал ходимлари учрашув доирасида ўзларини қизиқтирган барча саволларга тўлақонли жавоб олишди.

Филиал матбуот хизмати