Муҳаммад Юсуф таваллудининг 68 йиллигига бағишлаб адабий-бадиий кеча ўтказилди

Бугун, яъни 26 апрель куни Ўзбекистон халқ шоири Муҳаммад Юсуф таваллуд топган сана. Самарқанд ветеринария медицинаси институти Нукус филиалининг мажлислар залида «Ветеринария ва зооинженерия факультети» томонидан шоир таваллудининг 68 йиллигига бағишлаб адабий-бадиий кеча ташкил этилди. Ушбу тадбирда ветеринария ва зооинженерия факультети декани А.Каниязов, декан ўринбосари Е.Сейтмуратов, «Табиий ва гуманитар фанлар» кафедраси катта ўқитувчиси И.Халмуратов, Н.Қурбанбаева  ҳамда факультет талаба-ёшлари иштирок этишди. А.Каниязов адабий кечани кириш сўзи билан очиб бериб, ижодкорнинг ўзбек шеъриятида тутган ўрни ҳақида тўхталди. Тадбир давомида Ўзбекистон халқ шоири Муҳаммад Юсуфнинг ҳаёти ва ижодий фаолияти, нашр этилган шеърий тўпламлари ҳақида батафсил гапирилиб, шоирнинг ёрқин хотираси ёд этилди. Шунингдек, талаба-ёшлар томонидан шоирнинг қаламига мансуб шеърлар ижро этилиб, баҳру-байт мусобақасига айланди. Шу тарзда шеърият ихлосмандлари бўлган талабалар йиғилганларга ўзгача бир завқ бағишлади. Тадбир давомида Муҳаммад Юсуф ҳаёти ва ижодига бағишланган ҳужжатли фильм намойиш этилди. Бугунги Муҳаммад Юсуфнинг 68 йиллигига бағишлаб ташкил этилган адабий-бадиий кеча давомида барчамизга бирдек севимли бўлган шоирнинг шеърлари аллақачон юрагимиздан жой олиб улгургани ва унинг хотираси қалбимизга муҳирланганлиги алоҳида таъкидлаб ўтилди. Ветеринария ва зооинженерия факультетида шоир таваллуд топган кун муносиб тарзда нишонланди.