«Китобхонлик ҳафталиги»нинг ёпилиш ва тақдирлаш маросими бўлиб ўтди

Маълумки, Самарқанд ветеринария медицинаси институти Нукус филиалида 4-апрелдан бошлаб 9-апрелга қадар «Китобхонлик ҳафталиги» бўлиб ўтди. Ҳафталик доирасида ўтказилган тадбирлар, жумладан, асарлардан парча келтирган ҳолда монолог ижро этиш, бадиий ўқиш, мақол айтиш, қизиқарли викториналар, “Заковат” интеллектуал ўйинида зукко китобхонлар фаол қатнашиб, яхши натижаларга эришди. Бугун, яъни 11 апрель куни Ахборот-ресурс марказида «Китобхонлик ҳафталиги»нинг ёпилиш маросими бўлиб ўтди. Ушбу тадбирда ўқув ишлари бўйича директор ўринбосари Қ.Атаназаров, Ёшлар масалалари ва маънавий-маърифий ишлар бўйича директор ўринбосари С.Ганиев, Ахборот хизмати раҳбари З.Хожамуратова, Ветеринария ва зооинженерия факультети декани А.Каниязов, декан ўринбосари Е.Сейтмуратов, Ёшлар билан ишлаш, маънавият ва маърифат бўлими бошлиғи А.Сейткамалов, Ахборот–ресурс маркази бўлими бошлиғи Ж.Халмуратовалар сўзга чиқиб, «Китобхонлик ҳафталиги» кўтаринки руҳда бўлиб ўтганлиги, китоб мутолааси ёшлар орасида ҳақиқий маънавий-руҳий омил сифатида хизмат қилиши ҳақида тўхталди. Шунингдек, тадбирларни ташкиллаштиришда фаоллик кўрсатган Ж.Халмуратова ҳамда З.Хожамуратоваларга миннатдорчилик билдирилди.

Ёпилиш маросими доирасида тадбирда фаол қатнашган ва танловларда ғолиб бўлган талабалар диплом ва энг қиммат совға  — китоблар билан тақдирланди. Тадбир якунида иқтидорли талабаларимиз томонидан ажойиб куй ва қўшиқларнинг ижро этилиши барчага бирдек манзур бўлиб, ҳақиқий байрамона кайфият бағишлади. Тадбир ташкилотчилари томонидан ўтказилган танловларда фаол иштирок этган талабалар алоҳида эътироф этиб ўтилди. Жумладан, тантанали очилиш маросими ҳамда ҳафталик доирасидаги барча тадбирларда ўз фаоллигини кўрсатган З.Хожамуратова бошчилигидаги «Қарекеӊше онлайн» жамоасига миннатдорчилик билдирилди. Филиал талаба-ёшларининг китобхонлик маданиятини ва дунёқарашини юксалтириш мақсадида ўтказилган «Китобхонлик ҳафталиги» юқори савияда ташкил этилди. Муҳими, талабаларнинг китоб мутолаасига бўлган меҳри ва қизиқиши янада ортди.