Табиий ва гуманитар фанлар кафедрасида Конституция куни байрам муносабати билан тадбир ўтказилди

Барчамизга маълумки,  Бош қомусимиз— Қорақалпоғистон Республикаси Конституцияси қабул қилинганининг 29 йиллик байрами жойларда тантанали равишда нишонланмоқда. Ушбу улуғ сана муносабати билан филиалимизда соҳа вакиллари иштирокида тадбир ташкил этилганлиги ҳақида маълум қилган эдик. Бугун мажлислар залида "Табиий ва гуманитар фанлар" кафедраси томонидан Қорақалпоғистон Республикаси Конституцияси қабул қилинганининг 29 йиллик байрами муносабати билан тадбир ташкил этилди. Унда Журналистлар ижодий уюшмаси аъзоси,  “Дўстлик” ордени соҳиби, Ўзбекистон ва Қорақалпоғистон ёзувчилар уюшмаси аъзоси, шоир Жуманияз Утениязов, Нукус давлат педагогика институтининг Миллий ғоя, маънавият асослари ва ҳуқуқ таълими кафедраси катта ўқитувчиси Б.Арзиева Қорақалпоғистон халқ ёзувчиси, филология фанлари номзоди А.Абдиев, филиал профессор-ўқитувчилари ҳамда талаба-ёшлар иштирок этишди. 
"Табиий ва гуманитар фанлар" кафедраси мудири П.Хожалепесов барча иштирокчиларни қабул қилинганининг 29 йиллик байрами муносабати билан самимий табриклаб, сўз навбатини ташриф буюрган меҳмонларга берди. Улар сўзга чиқиб ўз нутқида фуқароларимиз ҳар нафасда давлатимизда қонун устуворлигини ҳис қилган ҳолда эркин ва тинч турмуш кечираётганлиги, демократик ҳуқуқий давлатни барпо этишда Бош қонунимиз муҳим пойдевор бўлиб хизмат қилганлиги борасида сўз юритиб, Қорақалпоғистон Республикаси Конституциясининг аҳамиятига алоҳида тўхталиб ўтишди. Шунингдек, тадбир доирасида кафедра томонидан талаба-ёшлар орасида “Конституция – бахтимиз қомуси” мавзусида ўтказилган иншолар танловида ғолиб бўлган талабалар эълон қилиниб, диплом билан тақдирланди. Иштирокчилар орасидан ҳам сўзга чиқиб, ўз фикр ва мулоҳазаларини билдирдилар. Байрам муносабати билан ташкил этилган ушбу тадбир файзли даврада, мазмунли тарзда бўлиб ўтди.