Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Сумалак сайли кўтаринки руҳда ташкил этилди
Кеча хабар берганимиздек, филиалда Наврўз байрами кўтаринки руҳда нишонланди. Бир томонда дошқозонда сумалак қайнаса, бошқа тарафда байрам оши тайёрланди. Ҳамма миллий либосларда жуда кўтаринки кайфият билан байрам атмосферасини яратишди десак муболаға бўлмайди. Талаба-ёшлар эса миллийлигимизга янада урғу бериш мақсадида қозон атрофида қорақалпоқ миллий урф-одатларини ўзида ифода этган саҳна кўринишларини ижро этиш билан бирга миллий рақслар намойиш этишди. Байрам тадбири кечқурун ҳам мароқли тарзда давом этди. Жумладан, катта гулҳан ёқилиб, ҳамма гулҳан атрофига тўпланишди. Филиал директори Адилбай Есимбетов сўзга чиқиб, бугунги сумалак сайли ҳамжиҳатликда ташкил этилганлиги, миллий байрамимиз муносиб тарзда нишонланаётганлигидан хурсанд эканлигини билдирди. Шундан сўнг гулҳан атрофида “Қарекеӊше онлайн” жамоаси томонидан тайёрланган ажойиб чиқишлар ҳамда куй-қўшиқлар, рақслар намойиш этилди. Бугун эрталаб эса филиал жамоаси сумалак пишган қозон бошида тўпланиб, ҳамжиҳатликда ёши катталар дуоси билан, шу кунларга омон эсон еткизганига шукуроналар келтириб, сумалак таъмини татиб кўрдилар. Анъананага кўра сумалак устида пайдо бўлган ҳар хил кўринишларни эзгу ниятларимиз ижобати деб ҳар ким ўзича яхши нарсаларнинг расми дея таърифлади. Филиалда пишган сумалак ҳаммага тарқатилди. Шу тарзда барчага кўтаринки байрам кайфияти улашилди. Наврўз умумхалқ байрами муборак бўлсин.
Зийўар Хожамуратова
