Филиалда ўқув жараёнларининг анъанавий тарзда давом этиши юзасидан расмий маълумот!
Филиал талабалари диққатига!
Барчамизга маълумки, Республика махсус комиссияси томонидан сўнгги кунларда юртимизда коронавирус инфекцияси билан касалланиш ҳолати камаяётганлигини инобатга олган ҳолда 2022 йил 7 февралдан бошлаб олий ва профессионал таълим муассасалари, академик лицейлар ҳамда нодавлат таълим ташкилотларида ўқув жараёни анъанавий шаклга ўтказилиши белгиланди. Олий таълим муассасаларида ўқув жараёнлари 7 февралдан 24 февралга қадар босқичма-босқич анаънавий шаклга ўтказилади. Самарқанд ветеринария медицинаси институти Нукус филиали ўқув жараёнлари бўйича ички имкониятлардан келиб чиққан ҳолда, қолаверса, талабаларнинг ўқишга етиб келиш вақтларини инобатга олган ҳолда қуйидагича расмий маълумот беради:
Филиалнинг бакалавриат таълим йўналиши бўйича кундузги ва сиртқи таълимда таҳсил олаётган барча курс талабаларига жорий йилнинг 7 февраль санасидан бошлаб ўқув жараёни анъанавий шаклда давом эттирилиши белгиланди.
Шунингдек, якуний назорат имтиҳонлари тасдиқланган график асосида давом эттирилади. Онлайн тарзда олинган имтиҳон натижалари бекор қилинмайди. Анъанавий ўқишни бошлаш учун филиалда ўқув аудиториялари ва талабалар турар жойи тайёр ҳолатда эканлигини маълум қиламиз!
Филиал матбуот хизмати
скачать dle 12.1
Telefon
E-mail
