Онлайн танловлар: Якун ва таҳлил
Барчангизга маълумки олий таълим муассасалари талабалари учун 2022 йил 24 январга қадар қишки таътил муддати деб белгиланган эди. Мазкур муддат давомида филиал талабаларининг бўш вақтларини мазмунли ташкил этиш мақсадида Ёшлар билан ишлаш, маънавият ва маърифат бўлими ҳамда филиал матбуот хизмати томонидан ҳар хил маънавий ва маърифий танловлар юқори савияда ташкил этилди. Бунда талабаларнинг фаол иштирокини алоҳида эътироф этиб ўтишимиз ўринли бўлади. Демак, 10 январдан 24 январга қадар ўтказилган онлайн танловларни қисқача таҳлил қилиш бинобарида албатта якуний натижаларга ҳам тўхталиб ўтамиз.
14 январь–Ватан ҳимоячилари куни байрами муносабати билан “Мардлар қўриқлайди Ватанни!” шиори остида ўтказилган онлайн видеороликлар танловига жами 40 тага яқин видеоролик келиб тушган бўлса шундан, 3 та видеоролик ғолиб деб топилди. Мазкур танловда ғолиб бўлган талабалар: Шахида Қарлыбаева—Биринчи ўрин эгаси, Ветеринария медицинаси йўналиши 2-босқич 201-гуруҳ талабаси. Жазира Утеова—иккинчи ўрин, Зооинженерия (балиқчилик) йўналиши 2-босқич 214-гуруҳ талабаси. Сурайё Рўзимова—үчинчи ўрин, Зооинженерия (фаолият турлари ) йўналиши 1-босқич 112-гуруҳ талабаси.
Навбатдаги танлов “Ватанпарварликни мен қандай тушунаман?» мавзусида ўтказилган онлайн иншолар танловига ижодкор талабаларимиз томонидан 20 тага яқин иншо келиб тушган бўлса, шундан энг сара 3 таси танлаб олинди. Ғолиб бўлган муаллифлар: 1-ўрин—Ветеринария медицинаси йўналиши 2-босқич 205-гуруҳ талабаси Гулмира Жолданова. 2-ўрин Зооинженерия (турлар бўйича) йўналиши 1-босқич 111-гуруҳ талабаси Ирода Турсунбоева. 3-ўрин эса Ветеринария медицинаси йўналиши 2-босқич 200-гуруҳ талабаси Наргиза Жолдасбаева.
Шунингдек, филиал талабаларининг китобхонлик маданиятини янада юксалтириш мақсадида «Мен севиб ўқиган асар» онлайн танлови ўтказилди. Китобхон талабаларимиз томонидан 30 дан ошиқ видео ва аудио материаллар келиб тушган бўлса, энг сара 3 та видеоролик танлаб олинди ва ғолиб деб топилди. Демак, ғолибликни қўлга киритган талабалар: Венера Жолдасбаева—1-ўрин эгаси, Ветеринария диагностикаси ва лаборатория ишлари йуналишининг 2-босқич 211-гуруҳ талабаси. Мехрибан Наўрызбекова—2-ўрин эгаси, Ветеринария медицинаси йўналиши 2-босқич 201-гуруҳ талабаси. Ғайратдин Өмирзақов—3-ўрин эгаси, Ветеринария медицинаси йўналиши 2-босқич 202-гуруҳ талабаси. Мухаббат Наржанова—Ветеринария диагностикаси ва лаборатория ишлари йуналишининг 2-босқич талабаси.
Талаба-қизларимиз ўртасида 5 та муҳим ташаббус доирасида ўтказилган “Энг чевар қиз” ва “Энг пазанда қиз” танловларига эса жами 30 га яқин видеоролик келиб тушди ва улар орасидан энг саралари ғолибликка муносиб деб топилди. Энг чевар қизлар: 1-ўрин—Орақбаева Ҳурлиман Зооинженерия (асаларичилик) йўналиши 2-босқич 213-гуруҳ талабаси. 2-ўрин—Лаура Яқыпбаева Зооинженерия (балиқчилик) йўналиши 3-босқич талабаси. 3-ўрин—Жания Усманова 1-босқич 111-гуруҳ талабаси.
Энг пазанда қизлар: 1-ўрин—Жазира Утеова Зооинженерия (балиқчилик) йўналиши 2-босқич 214-гуруҳ талабаси. 2-ўрин—Гөззал Базарбаева Ветеринария медицинаси йўналиши 202-гуруҳ талабаси. 3-ўрин—Улжан Нуратдинова Ветеринария диагностикаси ва лаборатория ишлари йуналишининг 1-босқич 113-гуруҳ талабаси.
Шуни алоҳида таъкидлаб ўтиш жоиз, биз ғолибларни танлашда ҳар томонлама профессионал ёндошишга, иштирокчиларнинг иқтидори, интилиши, савияси, дикцияси, ўзини тутиши, ҳолатга, яъни оброзга кириши, мавзунинг очиб берилиши, умумий қилиб айтганда майда деталларигача инобатга олдик ва холис тарзда баҳоладик. Шу ўринда онлайн танловларга фаол иштирок этган ҳар бир талабага миннатдорчилик билдирамиз. Ўзларига тақдим этилган мана шундай имкониятдан унумли фойдаланиб, ўз қобилиятларини намоён қилгани ва чин маънода ҳаракат қилиб интилгани бу биз учун самарали натижа ҳисобланади. Энг муҳими талаба-ёшларниинг қишки таътил давридаги бўш вақтлари мароқли тарзда кечди ва уларнинг зерикишга асло вақти бўлмади деб ўйлаймиз. Барча ғолиб бўлган талабаларга дипломлар онлайн (электрон нусхада) тарзда топширилди. Ваъда қилинган қимматбаҳо совғалар эса анъанавий ўқиш бошланганида ўз эгаларига тантанали равишда топширилади. Азиз, талабалар, ҳар дойим мана шундай фаол ва интилувчан бўлинг! Зеро, мақсадларга фақат кучли истак билангина эришиб бўлмайди. Бизнинг шиддатли ҳаракатимиз аниқ натижаларни қўлга киритишимизда катта куч бўлади. Шундай экан ҳеч қачон ҳаракат қилишдан ва мақсадларингиз сари интилишдан тўхтаманг!
Зийўар Хожамуратова
скачать dle 12.1
Telefon
E-mail
