Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Профессор-ўқитувчилар ва ишчи-ходимлар ўртасида спорт мусобақалари ўтказилди
Бугун Самарқанд ветеринария медицинаси институти Нукус филиалида кириб келган Янги 2022 йил муносабати билан филиал профессор-ўқитувчилари ва ишчи-ходимлари орасида спортнинг волейбол, мини футбол ҳамда шаҳмат-шашка турлари бўйича филиал биринчилиги ўтказилди. Бундан кўзланган асосий мақсад улар орасида соғлом турмуш тарзини кенг тарғиб қилиш, оммавий спортни янада ривожлантириш ҳамда бўш вақтларнини мазмунли ўтказишдан иборат. Филиал директори Адилбай Есимбетов мусобақани кириш сўзи билан очиб бериб, барча қатнашаётган жамоаларга омад ва зафарлар тилаб мусобақага старт берди.
Ёшлар билан ишлаш, маънавият ва маърифат бўлими ҳамда Касаба уюшмаси кўмитаси томонидан ташкил этилган мазкур мусобақага “Зооинженерия” “Ветеринария” ҳамда “Табиий ва гуманитар фанлар” кафедрасининг профессор-ўқитувчилари, ишчи-ходимлар ва тьюторлардан ташкил топган жами 6 та жамоа иштирок этишди. Мусобақалар қизиқарли ва шиддатли тарзда кечди. Жамоалар ғолиблик учун ўзаро кураш олиб боришди. 
Мусобақанинг якуний натижаларига кўра, Хотин-қизлар орасида ўтказилган спортнинг волейбол тури бўйича “Табиий ва гуманитар фанлар” кафедрасининг ўқитувчиларидан ташкил топган «Тулпорлар» жамоаси 1-ўринни эгаллаб мутлоқ ғолиб бўлишди. Зооинженерия” ва “Ветеринария” кафедраси ўқитувчиларининг жамоаси эса 2-ўринни қўлга киритган бўлса, ходимлардан таркиб топган жамоага 3-ўрин насиб этди. Эркаклар орасида бўлиб ўтган мини футбол мусобақаси натижалари бўйича эса «Тьюторлар» жамоаси фаҳрли 1-ўринни қўлга киритишди. 2-ўринни «Турон» жамоаси эгаллаган бўлса, «Илмий бўлим» жамоаси 3-ўринни олди. 
Шунингдек, шашка бўйича ўтказилган ўйин натижаларига кўра, Т.Ибраимов совринли биринчи ўринни қўлга киритган бўлса, А.Абдикаликов иккинчи ва С.Собиров учинчи ўринларни эгаллашди. Мусобақа ғолиблари филиал директори Адилбай Есимбетов томонидан диплом ва қимматбаҳо совғалар билан тақдирланишди. Мазкур спорт мусобақаси ҳар томонлама қизиқарли ва завқли тарзда бўлиб ўтганлигини барча иштирокчилар эътироф этишди. Қувноқ дамлар фотосуратларга муҳирланди.
Филиал матбуот хизмати
