Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Талабалар “Panaev farms” фермер хўжалигига саёҳат қилишди
Аввал маълум қилганимиздек, “Чорвачилик хўжаликларини бошқаришнинг замонавий технологиялари-Ўзбекистон учун қийинчиликлар ва истиқболлар” мавзусида ўтказилган семинар–тренинг доирасида филиал талаба-ёшлари учун Қораўзак туманида жойлашган “Panaev farms” фермер хўжалигига саёҳат ташкил этилди. Мазкур танишув саёҳатига “Ветеринария” кафедраси катта ўқитувчиси Х.Арзыев ва ассистенти Д.Ерназаров, Халқаро алоқалар бўлими бошлиғи Т.Ибраимовлар бошчилигида фермер хўжалик фаолияти билан яқиндан танишиш истагини билдирган талабалар иштирок этишди. Шуни алоҳида таъкидлаб ўтишимиз лозим, шахсан “Panaev farms” фермер хўжалиги раҳбари Тимур Панаевнинг ўзи ташкилий ишларга бош-қош бўлди. Шунингдек, У.Сайфудинов ҳамда А.Қурбанбаевлар ташриф давомида ҳамроҳлик қилишди. Кўзланган манзилга етиб боргач талабаларга фермер хўжалик фаолияти обдон таништирилди. Ҳозирги кунда бу ерда 400 бош йирик шохли қорамоллар, 1000 бошдан ошиқ қўй ва эчкилар, ҳамда қуёнлар парвариш қилиб келинмоқда. Т.Панаев талабаларга батафсил маълумот тақдим этиш мақсадида, фермер хўжалигида асосан Голштейн ва Симментал зотли қорамоллар боқилаётганлиги ва мазкур зотдор моллар Австрия ва Германия давлатларидан олиб келинганлиги ҳақида гапириб ўтди. Шунингдек, талабалар озуқа базаси билан танишди. Улар саёҳат чоғида бу ерда парвариш қилинаётган моллар, қўй ва эчкилар, қуёнларни ўз кўзлари билан кўриб, уларнинг қандай шароитда боқилаётганлиги, озиқланиш жараёнларини батафсил ўрганишди. Шу тарзда назарий ва амалий билимлар уйғунлиги таъминланди. Талабалар сигир ва эчкиларни соғиш жараёнига ҳам гувоҳ бўлишди ҳамда уларга Австрия ва Испаниядан олиб келиниб, парвариш қилинаётган заанен наслли зотдор эчкиларнинг сутидан сифатли ва мазали пишлоқ маҳсулотлари тайёрланиши ҳақида маълумот берилди. “Panaev farms” фермер хўжалигига ташкил этилган саёҳат талабаларга амалий билимлар билан бир қаторда қувноқ кайфият улашди. Албатта шу ўринда ташкиллотчиларга ўз миннатдорчилигимизни изҳор қилиб қоламиз. Ташриф якунида келгусида шу сингари саёҳатларни амалга ошириб боришга келишилди. Энг муҳими талабалар ҳар томонлама мамнун бўлишди.
Филиал матбуот хизмати 
