«Ёш сайловчи ҳафталиги»: якун ва таҳлил

Барчамизга маълумки, жорий йил 24 октябрь куни мамлакатимизда муҳим сиёсий жараён-Ўзбекистон Республикаси Президенти сайлови очиқ ва ошкора тарзда бўлиб ўтди. Ўзбекистон либераль-демократик партиясидан номзод Шавкат Миромонович Мирзиёев 80,1 фоиз овоз олиб, Ўзбекистон Республикаси Президенти этиб сайланди. Мазкур сайловга қадар жойларда сайлов олди тарғибот тадбирлари ташкил этилди. Жумладан, Самарқанд ветеринария медицинаси институти Нукус филиалида ҳам директор Адилбай Есимбетов раҳбарлигида «Ёш сайловчи ҳафталиги» доирасида талаба-ёшлар орасида сайлов қонунчилигининг мазмун-моҳиятини кенг тушунтириш бўйича давра суҳбатлари, викториналар, ҳар хил танловлар ўтказилди. Филиал талаба-ёшлари мазкур жараёнларда фаол иштирок этганлигини алоҳида таъкидлаб ўтишимиз лозим. Шунингдек талабаларимиз томонидан филиал матбуот хизмати билан ҳамкорликда  сайловга оид “Келажагим учун овоз бераман” шиори остида мазмунли мақолалар ёритилди ҳамда радиоэшиттиришлар тайёрланиб эфирга узатилди.  

Жумладан, Ветеринария диагностикаси ва лаборатория ишлари йуналишининг 2-босқич талабаси Венера Жолдасбаеванинг “Мен ўз келажагим учун овоз бераман”  cарлавҳаси остидаги барча ёшларни сайловда фаол иштирок этишга чорловчи мақоласи Ўзбекистон Миллий ахборот агентлиги расмий веб-сайтида эълон қилинди. Зооинженерия (балиқчилик) йўналиши 3-босқич талабаси Лаура Яқыпбаеванинг “Мен истиқболли келажак учун овоз бераман!” атамасидаги мақоласи Ўзбекистон Республикаси Ветеринария ва чорвачиликни ривожлантириш давлат қўмитасининг расмий веб-сайтида ҳамда “Ўз келажагим учун овоз бераман” мавзусидаги мақоласи Қорақалпоғистон ахборот агентилиги расмий веб-сайтида ёритилди. Шунингдек, Ветеринария медицинаси йўналиши 4-босқич талабаси Мансур Жумабаевнинг “Ватан равнақи учун овоз берайлик” сарлавҳасидаги мақоласи ҳам мазкур интернет нашрида эълон қилинди. Филиал профессор-ўқитувчилари ҳамда талабалари “Қорақалпоғистон” радиоканали орқали “Давр нафаси” эшиттиришида сайлов ҳақидаги фикрлари билан  фаол тарзда иштирок этишди. Шу билан бирга талабаларнинг ўз тенгдошларини сайловда фаол иштирок этишга чорловчи аудио материаллари филиал расмий саҳифаларида эълон қилиниб борди Албатта, бунда филиал матбуот котиби Зийўархан Хожамуратованинг ҳиссаси катта эканлигини алоҳида эътироф этиб ўтишимиз жоиз. 

Филиалда сайлов олди тарғибот тадбирлари юқори савияда ташкил этилди. Жумладан, “Талаба-ёшлар ва сайлов” шиори остида сиёсий партиялар вакиллари билан учрашув, “Адолатли сайлов-фаровон ҳаёт пойдевори” мавзусида иншоолар танлови, “100 саволга 100 жавоб” китоби асосида викториналар, “Сайлов билимдонлари”  “Заковат” интеллектуал ўйини ўтказилди. Бунда филиал Ёшлар билан ишлаш, маънавият ва маърифат бўлими ҳамда Ёшлар иттифоқи бошланғич ташкилоти томонидан фаоллик кўрсатилди. Талабалар томонидан муносиб номзодга овоз беришга  оид “Келажагинг учун овоз бер!” ҳештеги остида қизиқарли ва мазмунли видероликлар тайёрланиб, танловда ғолиб бўлишга мувваффақ бўлишди. Албатта, ҳар нарсанинг якунини таҳлил қилиш эришилган натижани юзага чиқаради. Бинобарин, филиал жамоаси сайлов олди  ташқивот ва тарғибот  тадбирларини ҳамжиҳатликда намунали тарзда ташикиллаштирди.  Зийрак талабаларимиз ҳам ўзларининг фаол иштироки билан бизга қўл-қанот бўлишди. Бир сўз билан айтганда «Ёш сайловчи ҳафталиги» юқори савияда ўтказилди.

Самарқанд ветеринария медицинаси институти 

Нукус филиали Ахборот хизмати