Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Қўмита раиси Б.Норқобилов «Қорақалпоқ балиқ саноат» корхонасининг фаолиятини ўрганди
Жорий йилнинг 12 октябрь куни Ўзбекистон Республикаси Ветеринария ва чорвачиликни ривожлантириш давлат қўмитаси раиси Б.Норқобилов ҳамда Ветеринария ва чорвачиликни ривожлантириш давлат қўмитаси ҳузуридаги “Ўзбекчорванасл” агентлиги бош директори Б.Атамурадов Тахиатош туманига ташриф буюриб, “Тахиатош жэс балиқ” МЧЖ фаолияти билан яқиндан танишди. Ташриф давомида меҳмонларга Қорақалпоғистон Республикаси Ветеринария ва чорвачиликни ривожлантириш қўмитаси раиси Қ.Пирназаров ҳамда филиал директори А.Есимбетов ҳамроҳлик қилишди. Аҳолини арзон балиқ маҳсулотлари билан таъминлаш мақсадида ўз фаолиятини олиб бораётган мазкур балиқчилик хўжалигидаги сунъий ҳавзаларда интенсив усулда балиқ етиштирилмоқда. “Тахиатош жэс балиқ” МЧЖ раҳбари З.Бекимбетов билан бўлган суҳбат давомида бу ердаги интенсив усулда балиқ етиштириш технологияси бўйича батафсил маълумотлар берилди ҳамда иш жараёни кўздан кечирилди. Шундан сўнг Б.Норқобилов Нукус шаҳрида жойлашган «Қорақалпоқ балиқ саноат» МЧЖда бўлиб, корхонадаги иш жараёнини кўрди. Шунингдек, у ерда “Балиқчиликнинг янги йуналишлари” фани ўқитувчиси А.Жолдасбаев билан биргаликда ўз амалий билимларини мустаҳкамлаётган филиалнинг Зооинженерия (балиқчилик) йўналишининг 4-босқич талабалари билан самимий суҳбат қурди. Суҳбат чоғида Б.Норқобилов филиал талабаларининг билимларини синаб қўриш мақсадида уларга бир қанча саволлар бериб, қониқарли жавоб олди. Мазкур суҳбат талаба-ёшларни янада руҳлантирди. Ташриф давомида эса «Қорақалпоқ балиқ саноат» МЧЖ раҳбари А.Бекниязов билан корхонанинг келгуси фаолиятига оид масалалар бўйича суҳбат олиб борилди. Ташриф якунида қўмита томонидан филиал талабаларининг ишлаб чиқариш корхоналарида мана шу тарзда амалий билимларини янада мустаҳкамлаб борилиши ҳар томонлама қўллаб-қувватлашини алоҳида таъкидлаб ўтди.
Самарқанд ветеринария медицинаси институти
Нукус филиали Ахборот хизмати
