Aziz ustozlar va murabbiylar!

Aziz ustozlar va murabbiylar!

Har bir insonning komil shaxs bo’lib voyaga yetishida, yetuk kasb egasi bo’lib jamiyatda o’z o’rnini topishida ustoz – muallimlarning o’rni juda muhim.

Fidoyi, zahmatkash muallim-o’qituvchilar o’z shogirdlariga bilim berish barobarida ular qalbiga insonga xos eng go’zal ezgu xislatlarni, mehr - oqibat va odamiylik tuyg’ularini singdirib boradi. Turli yo’nalishlarda o’z iqtidori, mahorati va bilim salohiyati bilan yuqori natijalarga erishib kelayotgan o’g’il-qizlarimizning muvaffaqiyatlari zamirida avvalo aziz ustozlarning zahmatli mehnatlari mujassam.

Ana shunday fidoiy ustozlarimizni bugun qancha ezozlasak kamlik qiladi.

Bizning filialimizning birinchi qaldirg'ochlari 40 nafarni tashkil qilgan bo'lsa, oradan 3 yil o'tib 1000 nafardan ko'proq talabalar tahsil olmoqda, uchta kafedramizda 40 nafarga yaqin professor-o'qituvchilarimiz faoliyat olib bormoqda. Talabalarga har tomonlama ta'lim berishda jonkuyarlik bilan bor kuchlarini safarbar etishmoqda.

Qalbi ezguliklarga yo’g’rilgan aziz ustozlar, mehridaryo muallimlar!

Barchangizni 1-oktabr O’qituvchi va murabbiylar kuni bilan chin qalbimdan tabriklayman! Sizning yuksak mas’uliyatli, mashaqqatli va sharafli mehnatingizda zafarlar, oilaviy hayotingizda esa baxt, omad yor bo’lishini tilab qolaman.

Bayramingiz muborak qadri baland ustozlar!!!

Hurmat bilan,

Adilbay Esimbetov,

Samarqand veterinariya meditsinasi instituti Nukus filiali direktori