Doimo e’zozdasiz, aziz ustozlar!

1-oktyabr-«Ustoz va murabbiylar kuni» munosabati bilan Samarqand veterinariya meditsinasi instituti Nukus filialida bayram tadbiri tashkil qilindi. Tadbirni filial direktori A.Esimbetov ochdi, professor-o’qituvchilarni bayram bilan chin dildan tabriklab, ularning sharafli va mashaqqatli ishlarida muvofaqqiyatlar tiladi va O’zbekiston Respublikasi Veterinariya va chorvachilikni rivojlantirish davlat qo’mitasi raisi B.Norqobilov va Samarqand veterinariya meditsinasi instituti rektori X.Yunusovning bayram tabrigini etkazdi.

Bundan so’ng, O’quv va tarbiyaviy ishlar bo’yicha direktor o’rinbosari Q.Atanazarov O’zbekiston Respublikasi Oliy va o’rta maxsus ta’lim vaziri A.Toshqulovning filial direktori A.Esimbetovga yo’llagan bayram tabrigini o’qib eshittirdi.

Tadbirda Qoraqalpog’iston Respublikasi Veterinariya va chorvachilikni rivojlantirish qo’mitasi raisi Q.Pirnazarov ishtirok etib, filial professor-o’qituvchilar jamoatini bayram bilan tabrikladi.

Tadbir davomida O’zbekiston Respublikasi Veterinariya va chorvachilikni rivojlantirish davlat qo’mitasi va Qoraqalpog’iston Respublikasi Veterinariya va chorvachilikni rivojlantirish qo’mitasi tomonidan tayyorlangan ta’lim sohasida samarali mehnat qilib, filial nufuzini oshirish, talaba-yoshlarning zamon talablari asosida ilm-hunar egallashi yo‘lida, ularni yurtga sadoqat ruhida tarbiyalashdagi fidoyiligi uchun filialning bir guruh professor-o‘qituvchilarini faxriy yorliq va qimmatbaho sovg‘alar bilan taqdirladi. 

O’zbekiston Respublikasi Veterinariya va chorvachilikni rivojlantirish davlat qo’mitasi raisi B.Norqobilovning shu yilning 15 sentyabrdagi filialga tashrifi davomida o’z bilimi va tashabbuskorligi bilan ko’zga to’shgan talabalar A.Dosekeeva va G.Bekbao’lievalarga qo’mitaning qimmatbaho sovg’alari topshirildi.

1-oktyabr «Ustoz va murabbiylar kuni» bayrami munosabati bilan filial professor-o’qituvchilari va xodimlari o’rtasida o’tkazilgan sport musobaqalari g’oliblari ham darajali diplom va baholi sovg’alar bilan taqdirlandi.

Bayram tadbiri talabalar tomonidan tayyorlangan musiqiy dastur bilan davom ettirildi.

Yoshlar bilan ishlash, ma’naviyat va ma’rifat bo’limi