Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Қўмита раиси Б.Норқобилов талаба-ёшлар билан суҳбатлашди
Жорий йилнинг 15 сентябрь куни Ўзбекистон Республикаси Ветеринария ва чорвачиликни ривожлантириш давлат қўмитаси раиси Б.Норқобилов қўмитанинг Самарқанд ветеринария медицинаси институти Нукус филиалига ташриф буюриб, филиалнинг бугунги фаолияти билан яқиндан танишди. Ташриф аввалида филиал директори А.Есимбетов билан филиалда амалга оширилаётган ишлар, эришилган натижалар ва камчиликлар, малакали кадрларни тайёрлашда қўмита билан ҳамкорликда иш олиб бориш сингари масалалар муҳокама қилинди. Шундан сўнг Б.Норқобилов Қорақалпоғистон Республикаси Ветеринария ва чорвачиликни ривожлантириш қўмитаси раиси Қ.Пирназаров билан биргаликда филиал биноси ҳамда филиал қошидаги Нукус ветеринария техникуми билан яқиндан танишиб, талабалар учун яратилган шароитларни кўздан кечирди. Шунингдек филиалда таҳсил олаётган талаба-ёшлар билан самимий суҳбат олиб борди. Мазкур мулоқат давомида филиалдаги таълим жараёни, соҳадаги янгиланишлар, амалга оширилаётган ислоҳатлар хусусида сўз юритилди. Бўлажак мутахассислар ўзларини қизиқтирган мавзулар бўйича фикр ва мулоҳазаларини билдиришди. Ташриф давомида Б.Норқобилов қўмита ҳар қандай масалада филиалга амалий ёрдам кўрсатишга тайёр эканлигини алоҳида таъкидлаб ўтди. Бугунги самимий тарзда бўлиб ўтган суҳбат филиал талаба-ёшларида илиқ таассурот қолдирди. Ташриф якунида эса келгусида ҳамкорликда амалга оширилиши лозим вазифалар белгилаб олинди.
Филиал матбуот хизмати
