Спортнинг «ШАХМАТ» тури бўйича филиал биринчилиги ўтказилди.

       Самарқанд ветеринария медицинаси институти Нукус филиали профессор-ўқитувчилар ва ходимлари ўртасида «Спорт-саломатлик куни» шиори остида спортнинг «ШАХМАТ» тури бўйича мусобақа ўтказилди. Мазкур мусобақа филиал касаба уюшмаси томонидан ташкиллаштирилди. Унга шахсан филиалимиз директори, филиал профессор-ўқитувчилари ҳамда ходимлари қатнашди. Ходимлар ўртасидаги беллашув қизғин тарзда кечди. Барчамиз яхши биламизки, шаҳмат мусобақаси ақлий салоҳиятни ривожлантириш ва уни чарҳлашда яхши омил бўлади. Бахс ва мунозараларга бой бўлган мусобақа давомида барча иштирокчилар ўз маҳоратларини синаб кўрдилар. Барчага бирдек аъло кайфият бағишлаган мусобақа якунида 1-ўрин - Ўқув ва тарбиявий ишлар бўйича диретор ўринбосари Қ.Атаназаровга насиб этган бўлса, Бино коменданти О.Қудековга 2-ўрин ҳамда М.Байлепесова ва Н.Жуманазаровалар 3-ўринни эгалладилар. Барча иштирокчилар мусобақа қизиқарли ва дўстона тарзда бўлиб ўтганлигини таъкидлашди. Ғолиблар филиал касаба уюшмаси томонидан диплом ва эсдалик совғалар билан тақдирланди. Табрик билан биргаликда диплом ва совғаларни филиал диретори А.Т.Есимбетов ҳамда филиал касаба уюшмаси раиси Г.А.Қазахбаевалар ўз эгаларига топширдилар. Албатта, бундай мусобақаларнинг ташкиллаштирилиб туриши филиал ходимларига фақат яхши кайфият бағишлайди.

Филиал касаба уюшмаси раиси Г.А.Қазахбаева