Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Талабалар “Қорақалпоқбалиқсаноат” МЧЖ да амалиёт ўтамоқда
Филиалнинг 2-босқич талабалари учун 6 ҳафталик дала амалиёти ташкил этилганлиги ҳақида хабар берган эдик. Зооинженерия:Балиқчилик йўналишида таҳсил олаётган талабалар амалиётни ўташ учун шартнома асосида Амалиёт раҳбари А.Жолдасбаев бошчилигида “Қорақалпоқбалиқсаноат” МЧЖга юборилди. Корхона раҳбари А.Ж.Бекниязов амалиётчи талабаларни илиқ юз билан қарши олиб, улар билан самимий суҳбат олиб борди. У суҳбат чоғида қуйидаги сўзларни алоҳида таъкидлаб ўтди: “Сизларга талаба эмас, айнан бизлар учун зарур бўлган бўлажак ёш мутахассислар сифатида қарайман. 6 ҳафта зарур бўлган кўникмаларга эга бўлишингиз учун етарли муддат деб ўйлайман. Тўғриси ялқовларни жиним суймайди. Ҳар дойим фаол ва тетик бўлинг! Бу ердаги ҳар бир дақиқангиздан унумли фойдаланинг, кузатинг, ўрганинг ва изланинг! Муҳими бу ерга фақат давомат учун келиб вақтингизни зое кетказманг. Мутахассисларимиз томонидан сизларга зарур бўлган барча кўникмалар бериб борилади”. А.Бекниязов талабаларга тўлиқ тушунчаларни бериш билан биргаликда уларни руҳлантирди. Шундан сўнг улар корхона фаолияти билан аввалдан таниш бўлганлиги сабабли дарҳол ишга киришиб кетишди. Жумладан, талаба йигитлар ҳовузга тушиб балиқларни тутиш билан шуғулланишган бўлса, қизлар эса майда балиқларни санаб, уларни буюртма қилган хўжаликларга тарқатиш ишлари билан машғул бўлишди. Уларни четдан кузатиб туриб, тўғриси мен ҳам завқланиб кетдим. Амалиёт шундай қизғин тарзда олиб борилса талабалар ўзларида чинаккам зарур билим ва кўникмаларни ҳосил қилишига аминмиз. Белгиланган вақт мобайнида улар “Қорақалпоқбалиқсаноат” МЧЖ фаолиятини янада яқиндан ўрганиб, ўзлари ҳам бевосита жараёнда иштирок этадилар. Келажакда шу талабалар бу ерда ҳақиқий мутахассис сифатида ўз фаолиятини олиб борсалар ажаб эмас. Зеро, бизнинг олий мақсадимиз ҳам шундан иборат. Филиал директори таъкидлаганидек, амалиёт давомида талабаларнинг амалий кўникмаларга эга бўлиши ўта муҳим ҳисобланади. Ўйлаймизки, филиал талабалари бу ердан илиқ таассуротлар олишади.
Филиал матбуот хизмати
