Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Филиал директори “Ёшлар дафтари”га киритилган ёшлар билан учрашув ўтказди
Самарқанд ветеринария медицинаси институти Нукус филиали директори А.Есимбетов “маҳаллабай” ишлаш тизими бўйича вазифалар ижросини таъминлаш мақсадида филиалга бириктирилган «Қутлы қоныс» маҳалла фуқаролар йиғинига ташриф буюриб “Ёшлар дафтари”га киритилган ёшлар билан учрашиб уларнинг муаммоларини ўрганди. Шунингдек тадбирда ўқув-услубий бўлим бошлиғи Г.Хожаметов иштирок этди. Маҳалла раиси Г.Бердиниязова учрашувни кириш сўзи билан очиб берди. Шундан сўнг Адилбай Есимбетов сўзга чиқиб, филиал раҳбарияти мазкур маҳалланинг “Ёшлар дафтари”га киритилган ёшларига олий таълим муассасаларига кириш учун тайёрлаш курсларини ташкил этиш ҳамда тикувчилик цехи фаолиятини йулга қўйиб беришга тайёр эканлигини шунингдек, улар орасида “Директор кубоги” спрот мусобақаларини ўтказиб бориш, музей ва тарихий жойларга саёҳат ташкил этиб беришда амалий ёрдам кўрсатиш масалалари бўйича нутқ сўзлади. Филиал директори ёшлар билан самимий суҳбат қурар экан, қуйидаги сўзларни келтириб ўтди: “Муҳими cизларга яратилган имкониятлардан унумли фойдаланинг! Катта мақсадларга эришиш учун кичик қадамни ташласангиз шунинг ўзи кифоя. Ҳар бирингизнинг кўзингизда келажакка бўлган умид порлаб турибди. Бу менга ёққол сезилди ва кайфиятимга таъсир қилди. Филиал томонидан сизлар учун ҳамма имконият яратилиб берилади, аминманки, сизлар ҳам шунга яраша ҳаракат қиласиз”. Шундан сўнг Г.Хожаметов режалаштирилган ишлар бўйича батафсил маълумот бериб ўтди. Учрашув доирасида маҳалладаги “Темир дафтар”га киритилган хотин-қизлар билан ҳам суҳбат ташкил этилди. Улар учун ҳам ўқув курсларини ташкил этиш ва бандлигини таъминлаш борасида амалга ошириладиган ишлар юзасидан суҳбат олиб борилди. А.Есимбетов ҳар бир учрашув иштирокчисига алоҳида мурожаат этиб муаммоларини ўрганди ва уларнинг қизиқишларига тўхталиб ўтди. Бугунги «Қутлы қоныс» маҳалла фуқаролар йиғинида бўлиб ўтган ҳар иккала учрашув мазмунли тарзда ўтди ва барча иштирокчиларга кўтаринки кайфият бағишлади. Учрашув якунида эса иштирокчиларга филиал фаолиятига оид буклетлар тақдим этилди. Таъкидлаш жоизки, филиалга бириктирилган маҳалла фуқаролар йиғинига ташрифлар келгусида ҳам амалга оширилиб борилади.
Филиал матбуот хизмати
