Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Филиалда “Шараф ленталари”улашилди
Жорий йил 7 май куни Самарқанд ветеринария медицинаси институти Нукус филиалида “9 май—Хотира ва қадрлаш куни” муносабати билан филиал ёшлар иттифоқи бошланғич ташкилоти томонидан профессор-ўқитувчилар ҳамда талаба-ёшларга “Шараф ленталари” улашилди. Тадбир бошида филиал директори А.Есимбетов сўз олиб, бугунги осуда ҳаётимиз учун қирғин-баротларда ватани, халқи учун аёвсиз жанг қилган мард ота-боболаримизнинг хотирасига ҳурмат бажо келтириш биз учун муқаддас бурч эканлиги, ҳар биримиз шараф лентасини кўксимизга тақиб қалбимизда ғурур ҳамда шукуроналик ҳиссини туйишимиз шак-шубҳасиз эканлигини таъкидлади. Шундан сўнг филиал биноси олдида етакчи талабалар томонидан профессор-ўқитувчилар ва талабаларга шараф ленталари тарқатилди. Ёш авлод ўтмиш билан, тарихий хотиралар билан кимлигимизни англайди. Урушнинг машаққати орқали бугуннинг қадрига етамиз. Ота-боболаримиз кўрсатган жасорат ҳар биримиз учун намуна ҳисобланади. Филиалда мусиқа садолари остида “Шараф ленталари”ни улашиш акцияси барчага бирдек кўтаринки кайфият бағишлади. Кўксида шараф лентаси қадалган талаба-ёшларимиз бугунги осуда ҳаётимиз учун шукрона келтиришгани шак-шубҳасиз. Буни уларнинг беғубор нигоҳларидан илғаб олиш қийин эмас. Бир сўз билан айтганда шараф лентасини улашиш акцияси ҳақиқий байрамона кайфиятда ташкиллаштирилди. Шу тарзда филиалда урушда қатнашган ота-боболаримиз хотирасига эҳтиром кўрсатилди.
Филиал матбуот хизмати
