Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Филиалда учрашув бўлиб ўтди
Самарқанд ветеринария медицинаси институти Нукус филиали мажлислар залида “Коррупцияга қарши кураш ва интернет тармоғидаги ахборотларнинг инсон психологиясига таъсири” мавзусида учрашув бўлиб ўтди. Унга Қорақалпоғистон Республикаси прокуратураси бўлим катта прокурори А.Хожабаев, Республика Маънавият ва маърифат маркази Қорақалпоғистон бўлими мутахассиси, Ўзбекистон Республикасига меҳнати синган маданият ҳодими, шоир Ш.Аяпов ҳамда профессор-ўқитувчилар ва талаба-ёшлар иштирок этишди. Ёшлар билан ишлаш, маънавият ва маърифат бўлими бошлиғи Г.Хожаметов тадбирни очиб берди ва сўз навбатини ташриф буюрган меҳмонларга берди. Шундан сўнг А.Хожабаев сўнгги йилларда мамлакатимизда коррупцияга қарши курашиш бўйича олиб борилаётган ислоҳотлар, коррупция ва порахўрлик иллати жамият ривожига соя солиши, айниқса олий таълим соҳасида коррупцияга қарши курашиш самарадорлигини янада ошириш муҳим аҳамият касб этиши ҳақида нутқ сўзлади. Ш.Аяпов ҳам сўзга чиқиб, талаба-ёшларга учрашув мавзуси бўйича ўзининг чуқур фикр ва мулоҳазаларини билдирди. Шунингдек, филиал психологи М.Алламуратова “Интернет тармоғидаги ахборотларнинг инсон психологиясига таъсири” мавзусида маъруза қилди. У ўз маърузасида бугунги глобаллашган ахборот асрида талаба-ёшлар интернет тармоғи орқали узатилаётган турли маълумотларни таҳлил қилиш, ўзлари учун фойдали бўлган хабарларни олиш ва кераксиз ахборотларнинг таъсирига тушиб қолмаслиги ҳақида айтиб ўтди. Албатта, ҳозирги кунда талаба-ёшлар орасида интернет маданиятини янада шакллантириш ўта муҳим саналади. Учрашув мавзуси доирасида филиал талабалари қўшимча саволлар орқали ўз тушунчаларини янада бойитиб, зарур маълумотларга эга бўлишди.
Филиал матбуот хизмати
