Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Халқ шоири ҳамда ёзувчиси таваллудининг 80 йиллигига бағишланган тадбир бўлиб ўтди
Барчамизга маълумки жойларда Ўзбекистон халқ шоири Абдулла Орипов ҳамда халқ ёзувчиси Ўткир Ҳошимов таваллудининг 80 йиллиги кенг нишонланмоқда. Самарқанд ветеринария медицинаси институти Нукус филиалида ҳам ушбу муносабат билан кўтаринки руҳда тадбир ташкиллаштирилди. Унга Ўзбекистон Республикасига меҳнати синган маданият ҳодими, “Маънавият фидойиси” кўкрак нишони соҳиби, шоир Шарапатдин Аяпов, филиал профессор-ўқитувчилари ҳамда талаба ёшлар иштирок этишди. Ўқув ва тарбиявий ишлар бўйича директор ўринбосари Қ.Атаназаров тадбирни очиб бериб, иштирокчиларни ташриф буюрган меҳмон билан таништириб ўтди. Шундан сўнг Ш.Аяпов шоир ҳамда ёзувчининг ҳаёти ва ижоди ҳақида таъсирли нутқ сўзлади. Талаба ёшларга А.Ориповнинг қорақалпоқ тилига таржима қилинган шеърларини ўқиб берди. Шунингдек, тадбир давомида ўзбек тили ўқитувчиси Н.Қурбанбаева, Ёшлар билан ишлаш, маънавият ва маърифат бўлими бошлиғи Г. Хожаметовлар ўз маърузасида ёзувчи ва шоирнинг ижодига гўзал таъриф бериб ўтишди. Якуний қисмида эса филиалнинг ижодкор талаба ёшлари томонидан А.Ориповнинг шеърлари ўқиб берилди ҳамда Ўткир Ҳошимовнинг асарларидан монолог ижро этилди. Мазкур инсонларнинг шеърлари ҳамда асарларидаги ҳар бир сўз қалбимизга муҳирланган десак муболаға бўлмайди. Халқимизнинг севимли шоири ва ёзувчиси таваллудининг 80 йиллиги муносабати билан ташкиллаштирилган тадбир мана шу тарзда кўтаринки кайфиятда бўлиб ўтди.
Филиал матбуот хизмати
