Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Филиал талаба қизлари орасида тарғибот тадбири ўтказилди
Самарқанд ветеринария медицинаси институти Нукус филиалида Ўзбекистон Республикаси Президенти Шавкат Мирзиёевнинг Олий Мажлисга Мурожаатномаси мазмунини тарғиб қилиш ҳамда Хотин-қизларни тазйиқ ва зўравонликдан ҳимоя қилиш ва гендер тенглик масалалари бўйича филиал талаба қизлари иштирокида тарғибот тадбири ўтказилди. Филиал Хотин-қизлар масалалари бўйича маслаҳатчиси Г.Ешмуратова ташаббуси билан ташкил этилган ушбу тадбирни ўқув ва тарбиявий ишлар бўйича директор ўринбосари Қ.Атаназаров очиб берди. У ўз сўзида Мурожаатномада олий таълим соҳаси бўйича белгиланган асосий вазифалар, шунингдек, қизлар учун алоҳида грантлар ажратилиши ҳамда уларнинг ижросини самарали ташкил этиш бўйича мулоҳазаларни келтириб ўтди. Шундан сўнг Г.Ешмуратова сўзга чиқиб, сўнгги йилларда мамлакатимизда хотин-қизларни тазйиқ ва зўравонликдан ҳимоя қилиш ҳамда гендер тенгликни таъминлаш борасида амалга оширилаётган чора-тадбирлар, қабул қилинган бир қатор қонун ҳужжатлари, шунингдек, хотин-қизларни иш билан таъминлаш борасида дастурларнинг такомиллаштирилиши каби мавзулар доирасида батафсил айтиб ўтди. Тадбир давомида Ёшлар иттифоқи етакчиси О.Шерипбаев ўз маърузасида талаба қизларга барча керакли маълумотларни бериб ўтди. Мазкур тадбир доирасида талаба қизлар орасида гендер тенглик ҳамда тазйиқ ва зўравонликка қарши кураш бўйича кенг тушунчаларни шакллантириш ҳамда тарғиб этиш мақсад қилинган. Шуни алоҳида таъкидлаб ўтиш жоизки, Филиал Хотин-қизлар масалалари бўйича маслаҳатчиси Г.Ешмуратова айнан шу масалаларга бағишланган Қорақалпоғистон Республикаси ва барча вилоятлар олий таълим муассасалари Хотин-қизлар маслаҳат кенгаши раислари ва маслаҳатчилари учун Тошкент шаҳрида ташкиллаштирилган 2 кунлик ўқув-семинарга иштирок этиб қайтди. Тадбир давомида семинарда ўзлаштирган билимларини талаба қизлар орасида кенг тарғиб қилиш ҳамда уларга асосли ва тўлиқ маълумотларни етказиб беришга астойидил ҳаракат қилди десак муболаға бўлмайди. Тадбирнинг якуний қисмида эса иштирокчиларга слайд орқали мавзуга оид қизиқарли видеоролик намойиш этилди.
Филиал матбуот хизмати
