14-январь «Ватан ҳимоячилари куни» байрами

       14 январь Ўзбекистон Республикаси аҳолисининг тинч ҳаёти ва хавфсизлигини ҳимоя қиладиган касб эгалари-Ватан ҳимоячилари куни ва Ўзбекистон Республикаси Қуралли Кучлари ташкил топган кун сифатида нишонланади. 1993 йил 29 декабрь куни Ўзбекистон Республикаси Олий Кенгашининг қарори билан 14 январь «Ватан ҳимоячилари куни» деб белгиланди. Ушбу байрам муносабати билан шу йилнинг 16 январь куни Самарқанд ветеринария медицинаси институти Нукус филиалида Шимолий-Ғарбий Ҳарбий округи спорт взводи гуруҳ командири, катта лейтенант Тўхташов Соҳиб, шу взводнинг йўриқчи-спортчилари Мунаваров Отохон ва Мадаминов Аҳрорлар иштирокида талаба-ёшлар билан учрашув ўтказилди.    Гуруҳ командири, катта лейтенант С.Тўхтошов сўзга чиқиб, Ўзбекистон Республикаси Қуролли Кучларининг ташкил этилиш тарихи, Қуролли Кучлар тузилиши Мудофа вазирлиги, Ички ишлар вазирлиги, Давлат ҳавфсизлиги хизмати, Давлат ҳавфсизлиги хизмати чегара қўшинлари, Ўзбекистон Республикаси Миллий гвардияси, Фавқулодда вазиятлар вазирлиги ва Давлат божхона қўмитасидан иборот эканлиги ва Ўзбекистон Республикасида 5 та ҳарбий округ Шарқий ҳарбий округи, Тошкент ҳарбий округи, Марказий ҳарбий округи, Жанубий-Ғарбий ҳарбий округи ва Шимолий-Ғарбий ҳарбий округлари тўғрисида маълумот бериб ўтдилар. Учрашувда талаба-ёшлар ўзлари қизиқтирган сўровларга жавоб олдилар ва Она юртимизнинг тинчлигини, юрт тўпроғини муқаддас билиб, Ватан ҳимояси учун доимо шай туришни бурч деб ҳисоблаган алп йигитларга чексиз ташаккур билдирдилар. Бизлар ҳам филиал жамоаси номидан барча Ватан ҳимоячиларини ушбу муборак байрам билан табриклаймиз ҳамда уларга оилавий тинчлик-хотиржамлик, соғлиқ-саломатлик тилаб қоламиз.