Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Давлат тилига 31 йил тўлди. Филиалда ўтказилган байрам тадбири
Бугун қорақалпоқ тилига давлат тили мақоми берилганига 31 йил тўлиши муносабати билан жойларда байрам тадбирлари ўтказилмоқда. Самарқанд ветеринария медицинаси институти Нукус филиалида ҳам "Тарихимсан, тақдиримсан, келажагимсан, она тилим" шиори остида байрам тадбири ташкиллаштирилди. Унга Қорақалпоғистон халқ ёзувчиси, филология фанлари номзоди, «Қорақалпоғистон спорти» бош муҳаррири Алланазар Абдиев, филиал профессор-ўқитувчилари ҳамда талаба ёшлар иштирок этишди. Тадбирни ўқув ва тарбиявий ишлар бўйича директор ўринбосари Қ.Атаназаров очиб бериб, бугунги байрам билан ҳаммани табриклади. Шундан сўнг, А.Абдиев сўзга чиқиб, филиал жамоасини ва талабаларни улуғ сана муносабати билан қутлаб, самимий тилакларини билдириб ўтди.
Ёшлар билан ишлаш, маънавият ва маърифат бўлими услубчиси А.Сейткамалов бошқариб борган мазкур тадбир давомида қорақалпоқ тилининг бой тарихи ва ривожланиш босқичлари, шунингдек, она тилимизни ҳар томонлама ривожлантириш борасида амалга оширилаётган ишлар, қорақалпоқ тилининг давлат тили сифатидаги ўрни ҳақида сўз юритилди. Шу билан бирга, филиал талабалари томонидан шоирларнинг она тилимизга бағишлаб ёзган шеърларининг ўқилиши ҳамда Зооинженерия:Балиқчилик йўналиши 2-босқич талабаси А.Досекеева томонидан дутор билан миллий қўшиқни маромига етказиб ижро этилганлиги тадбир иштирокчиларини жуда ҳаёжонлантириб, кечага янада кўтаринки кайфият бағишлади. «Тил яшаса, миллат яшайди», дейилганидек, ёшлар қалбида она тилимизга бўлган ҳурматни шакллантиришда мана шундай тадбирлар муҳим аҳамият касб этади.
Филиал матбуот хизмати
