Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Филиал талабалари “Panamilk” корхонасида
Бўлажак ёш ветеринар мутахассисларнинг етук билим олишида назарий ва амалий билимлар уйғунлиги муҳим аҳамият касб этади. Шуни инобатга олган ҳолда, Самарқанд ветеринария медицинаси институти Нукус филиалида таҳсил олаётган талабалар амалий билимларини мустаҳкамлаш мақсадида мунтазам равишда чорвачилик фермер хўжаликлари ҳамда ишлаб чиқариш корхоналарига ўқитувчилари билан биргаликда саёҳатларни амалга оширади. Филиал талабаларининг навбатдаги ташрифи пойтахтимиздаги сут маҳсулотларини ишлаб чиқарувчи “Panamilk” корхонасига уюштирилди. Махсус фан ўқитувчилари А.Торешова ва А.Уримбетов бошчилигида ташриф буюрган филиалнинг 3-босқич талабаларини корхона раҳбари Тимур Панаев қаршиларкан, шу сўзларни таъкидлаб ўтди: “Корхонамизда бўлажак соҳа мутахассисларини кўриб турганимдан жуда мамнунман. Айнан сиз ёшлар келажак профессионал кадрлари сифатида тайёрланмоқдасизлар. Ветеринария соҳаси ривожига ҳисса қўшишингизга умид қилган ҳолда бажонидил корхона фаолияти билан таништирамиз”. Шундан сўнг Т.Панаев талабаларни сут ва сут маҳсулотларини қайта ишлаб чиқариш корхонасининг фаолияти билан яқиндан таништирди.
Жумладан, Қораўзак туманида жойлашган “PANAEV FARMS” фермасида парвариш қилинаётган сигир елинидан соғиб олинган сутларнинг корхонага олиб келиниб уни қайта ишлаш ва тайёр сут маҳсулотларини (қаймоқ, қатиқ творог, сузма йогурт, пишлоқ) тайёрлаш жараёни ҳақида батафсил тушунтириб ва кўрсатиб берди. Шунингдек, фермер хўжаликда парвариш қилиниб келаётган туя сутидан қатиқ (шубат) тайёрлаш ҳамда асаларилардан олинадиган асал маҳсулотларининг тайёрлаш жараёнини ҳам кўрсатиб ўтди. Талабалар иш жараёнини катта қизиқиш билан кузатишди. Ҳар бир керакли маълумотни ён дафтарига муҳрладилар. Т.Панаев ўқитувчи ва талабаларни тайёр сут маҳсулотлари жой олган дастурхонга таклиф этди ва уларни татиб кўриб сифати ва таъмига баҳо беришларини сўради. Ташриф якунида А.Торешова корхона раҳбари Тимур Панаевга алоҳида миннатдорчилик билдириб ўтди. Икки томон келгусида мана шундай ташрифларни ташкиллаштириб туришга ўзаро келишиб олдилар. Мазкур “Panamilk” корхонасига уюштирилган саёҳат талабаларнинг хотирасида ажойиб тасуроотлар билан муҳирланиб қолиши аниқ. Маълумот учун, бундан аввал филиал талабалари А.Торешова раҳбарлигида Қораўзак туманидаги “PANAEV FARMS” фермасига ташрифни амалга оширган эди. 
Филиал матбуот хизмати
