“Коррупция ва мен” мавзусида иншолар танлови ўтказилди.
Ўзбекистон Республикаси Адлия вазирлиги томонидан “Коррупция – тараққиёт кушандаси” иншолар танлови ташкиллаштирилиб, шу йилнинг 2-5 ноябрь кунлари танловнинг биринчи филиал босқичи ўтказилди. Иншо танловини ўтказишдаги мақсад ҳам коррупциянинг фуқаролар, муайян шахс ҳаётига таъсири, юксак қадрият ва коррупцияга қарши курашишнинг асоси эканлиги, қариндош-уруғчилик, порахўрлик, кўзбўямачилик, қонунга итоатсизлик ва жавобгарликдан қўрқмасликнинг салбий оқибатлари, коррупцияга нисбатан фуқаролик позицияси, хусусан, тоқатсизлик, муросасизлик ва унга бош қўшмаслик лозимлигини ёритилишидан иборат бўлдилар.
Танловга филиал талабалари фаол иштирок этиб, ғолиблар аниқланди. Танловнинг биринчи босқичи якунида Ветеринария медицинаси (йирик шохли моллар касалликлари) йўналиши 1-босқич 201-гуруҳ талабаси Қарлыбаева Шахиданинг иншоси 1- ўринни, Ветеринария диагностикаси ва лаборатория иши йўналиши 1-босқич 212-гуруҳ талабаси Қалбаева Айнуранинг ёзган иншоси совринли 2-ўрин ва Ветеринария медицинаси (йирик шохли моллар касалликлари) йўналиши 2-а-босқич талабаси Оразбаев Жанибекнинг иншоси 3-ўринни эгаллади. Танлов ғолиблари шу йилнинг 12-17 ноябрь кунлари ўтказиладиган иккинчи босқичга йўлланма олдилар. Филиалимиз талабаларига келгуси босқичларда ҳам ғолиб бўлишига омад тилаб қоламиз.
Ёшлар билан ишлаш, маънавият ва маърифат бўлими.
скачать dle 12.1
Telefon
E-mail
