Кириш имтиҳонлари якунланди. Абитуриентлар учун маълумотлар
Республика бўйича 2–13 сентябрь кунлари олий таълим муассасаларига кириш имтиҳонлари бўлиб ўтди. Жорий йилда 1,5 миллионга яқин абитуриент олий таълим муассасаларидаги 140 мингга яқин ўрин учун ўз билимларини синовдан ўтказди. 2020 йил 13 сентябрь санасида ОТМларга кириш имтиҳонлари ўз якунига етди. Хабарингиз бор, абитуриентлар ўзлари тўплаган балларини имтиҳоннинг эртасигаёқ билиб олиш имкониятига эга бўлишди. Улар ўзларининг қанча балл тўплаганлигини биладилар аммо, қайси ўринда турганидан хабардор бўлиш имкониятига эга эмас. Аввал сайтимиз орқали маълум қилганимиздек, 17-сентябрь куни тана ҳарорати юқорилиги сабабли кириш имтиҳонларидан четлаштирилган абитуриентлар учун тест синовлари бўлиб ўтиши режалаштирилган. Об-ҳаво яхши бўлиб турса, шу белгиланган сана, яъни 17-сентябрь куни тест синовлари ўтказилади ҳамда камида ўша куни ёки ундан олдинроқ абитуриентлар тўплаган балига кўра қайси ўринда эканини билиб олиш имкониятига эга бўлади. 18 сентябрь санасидан бошлаб натижалар умумлаштирилиб, тартиблаш ишлари бошланади. Абитуриентларнинг талабаликка қабул қилингани ҳақидаги натижалари 24-сентябргача бўлган вақт ичида эълон қилиниши режалаштирилган.
Албатта, ҳар бир абитуриент ўзгача ҳаёжон ва интизорлик билан тест натижаларининг эълон қилинишини кутаётганлиги аниқ. Барчангизга қувончли хабар эшитиш насиб этишини тилаб қоламиз!
Зийўар Хожамуратова
скачать dle 12.1
Telefon
E-mail
