Абитуриент тест синовларига соат нечада бориши керак?
Тест синовлари бошланиш санасига ҳам яқин қолди. Абитуриентлар тест бўлиб ўтадиган жойга соат нечада бориб туриши керак? Аввал маълум қилингандек, тест синовлари 2-сентябрдан бошланади ва кунига 2 марта, ҳаво салқин пайтда ўтказилади. Яъни бунда, тест синовлари:
1-сменада 08:00 дан 11:00 гача,
2-сменада 17:00 дан 20:00 гача бўлади. Aбитуриентларни киритиш:
1-сменада 06:30 дан, 2-сменада 15:30 дан бошланади. Шунинг учун, абитуриентлар тест синовлари ўтказиладиган ҳудудга тест синовлари бошланишидан 1-1,5 соат олдин келишлари керак бўлади. Маълумот учун айтиш керакки, тест синовлари давомийлиги бўйича энг кўп Aндижон, Сурхондарё, Қашқадарё, Навоий, Сирдарё вилоятлари ва Тошкент шаҳрида 12 кун, энг кам Фарғона вилоятида 10 кун давом этади. Ҳурматли абитуриентлар, тест топшириш жойи дея кўрсатилган манзилга 1-1,5 соат олдин бориб туришингизни маслаҳат қиламиз.
2020/2021 ўқув йили учун олий таълим муассасаларига қабул тест синовлари ҳақидаги хабар ҳамда маълумотларни сайтимиз ва расмий телеграм каналимиз орқали кузатиб боришингиз мумкин.
Зийўар Хожамуратова
скачать dle 12.1
Telefon
E-mail
