Давлат гранти асосида ўқувчиларни қабул қилиш параметрлари тасдиқланди.
Профессионал таълим муассасалари 2020/2021 ўқув йили учун ўқувчиларни қабул қилиш жараёнларини ташкил этиш бўйича маълумот.
Давлат комиссияси мажлисининг 2020 йилдаги 2-сон баёнига мувофиқ вазирликлар ва идоралар тизимидаги коллеж ва техникумларга давлат гранти асосида ўқувчиларни қабул қилиш параметрлари тасдиқланди. Касб ва мутахассисликларни эгаллаш истагида бўлган шахслар шу жумладан 11-синф битирувчилари 2020/2021 ўқув йили учун вазирликлар ва идоралар тизимидаги коллеж ва техникумларга 2020 йил 25 августдан 25 сентябрга қадар (25 сентябрь куни ҳам) ўқишга кириш учун ҳужжатларни онлайн топширишлари мумкин. 2020/2021 ўқув йили учун коллежларга жами 77 мингдан ортиқ (шундан давлат гранти асосида 12 762 нафар), техникумларга эса жами бўлиб 68 мингдан ортиқ (шундан 9199 нафари давлат гранти асосида) ўқувчиларни қабул қилиш режалаштирилган. Вазирликлар ва идоралар тизимидаги коллежларга http://kollej.edu.uz электрон платформасида орқали абитуриентларни қурилиш, қишлоқ хўжалиги, саноат, педагогика, тиббиёт, туризм, нефт ва газ саноати, енгил саноат, коммунал хизматлар, хизмат кўрсатиш, транспорт соҳалари бўйича 171 тадан ортиқ касблар ва мутахассисликлар бўйича; Техникумларга http://texnikum.edu.uz электрон платформаси орқали абитуриентларни транспорт, алоқа ва ахборот технологиялари, тиббиёт, қишлоқ хўжалиги, саноат, туризм, ветеринария, хизмат кўрсатиш соҳалари бўйича 103 тадан ортиқ касб ва мутахассисликлар бўйича ҳужжатлар қабул қилиш ташкил этилади. Коллеж ва техникумларга электрон платформа орқали қўйидаги ҳужжатлар қабул қилинади: 1.Электрон ариза;
2.Умумтаълим мактабининг 11-синфни тугатганлигини тасдиқловчи аттестат (электрон) нусхаси ёки ўрта махсус, касб-ҳунар таълим муассасасини тамомлаганлиги тўғрисидаги диплом (электрон) нусхаси;
3.3x4 фотосурат. Коллежларда ўқиш муддати касблар ва мутахассисликларнинг мураккаблигидан келиб чиққан ҳолда 2 йилгача, техникумларда эса ўқиш 2 йилдан кам бўлмаган муддатда амалга оширилади. Ўқувчилар давлат гранти ҳамда тўлов-контракт асосида қабул қилинади. Профессионал таълим муассасаларига қабул жараёнлари бўйича Олий ва ўрта махсус таълим вазирлигида 71-246-11-92 “Колл марказ” ташкил этилган. Шунингдек, республика ҳудудларида фуқароларга тегишли маълумотларни олиш имкониятини янада кенгайтириш мақсадида Касбий таълимни ривожлантириш ва мувофиқлаштириш ҳудудий бошқармаларида “Кол марказ”лар ташкил этилган.
Олий ва ўрта махсус таълим вазирлигининг
расмий телеграм канали
скачать dle 12.1
Telefon
E-mail
