Эртадан абитуриентларга рухсатнома бериш бошланади
Давлат тест маркази директори ўринбосари Сардор Ражабовнинг АОКА залида ўтказилган матбуот анжуманида маълум қилишича, эртадан, яъни 22 августдан абитуриентларга рухсатнома бериш бошланади. 22 августдан бошлаб ДТМнинг сайтидаги ҳар бир абитуриентнинг шахсий кабинетида абитуриент рухсатномаси қўйилади. Ҳар бир абитуриентнинг рўйхатдан ўтганда кўрсатган телефон рақамига бу ҳақда SMS-хабар юборилади.
Эслатиб ўтамиз, «Aбитуриент рухсатномаси» тест синовларида иштирок этиш учун аҳамиятли ҳужжат ҳисобланади. Унда абитуриентнинг шахсий малумотлари билан биргаликда:
-тест топшириш ҳудуди;
-тест топшириладиган сана ҳамда вақт; -тест ўтказиладиган бино;
-тест топшириладиган смена ва гуруҳ рақами сингари бир қанча маълумотлар бўлади.
2020/2021 ўқув йили учун олий таълим муассасаларига қабул тест синовлари ҳақидаги хабар ҳамда маълумотларни сайтимиз ва расмий телеграм каналимиз орқали кузатиб боришингиз мумкин.
Зийўар Хожамуратова
скачать dle 12.1
Telefon
E-mail
