Тўлов қилишга улгурмаган абитуриентлар диққатига!
Барчамизга маълумки, аввалги йилларда битирган абитуриентлар тестга кириш учун 111 минг 500 сўм миқдорида тўловни амалга ошириши керак эди. Лекин айрим сабабларга кўра, тўлов қилишга улгурмаган абитуриентлар ҳам йўқ эмас.
Шу сабабли Давлат қабул комиссияси тўлов қилиш муддатини яна узайтирди.
Онлайн рўйхатдан ўтган, лекин тўловга улгурмаган абитуриентлар 16 август соат 23:59 га қадар тўловни амалга ошириши мумкин.
Тўловни амалга оширмаганлар рўйхатдан ўтмаган ҳисобланади ва тест синовларида иштирок эта олмайди.
Демак, тўловни амалга ошириб улгурмаган абитуриентлар учун яна бир марта тақдим этилаётган бу имкониятдан унумли фойдаланишингизни маслаҳат бериб қоламиз!
Аввал ҳам 20 июль куни 2020-2021-ўқув йили учун олий таълим муассасаларининг бакалавриат таълим йўналишларига абитуриентларни онлайн рўйхатга олиш расман якунланганидан сўнг Давлат тест маркази тўлов қилишга улгурмаган абитуриентлар учун 21-июль куни соат 23:59 қадар қўшимча вақт тақдим этган эди.
2020/2021 ўқув йили учун олий таълим муассасаларига қабул тест синовлари ҳақидаги хабар ҳамда маълумотларни сайтимиз ва расмий телеграм каналимиз орқали кузатиб боришингиз мумкин.
Зийўар Хожамуратова
скачать dle 12.1
Telefon
E-mail
