Márt jigitler maydanda bellesti

Filialda 14-yanvar “Watan qorǵawshılar kúni” múnásebeti menen áskeriy sport jarısları bolıp ótti

2025-jıl 14-yanvar kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında Ózbekstan Respublikası Qurallı Kúshleri shólkemlestirilgenliginiń 33 jıllıǵı hám 14-yanvar - “Watan qorǵawshıları kúni” múnásibeti menen iláj ótkerildi. Iláj dawamında «Márt jigitler watan súyenishi» temasında túrli sport túrleri boyınsha jarıslar ótkerildi. Olarda studentler turnikke tartılıw, tas kóteriw, arqan tartıw hám armrestling sıyaqlı sport túrlerinde kúshlerin sınap kórdi. Jarıslar juwmaǵında eń kúshli hám uqıplı qatnasıwshılar anıqlandı hám olar xoshametlendi. Sıylıqlaw máresiminde jeńimpazlarǵa estelik sawǵaları hám diplomlar tapsırıldı.
    Usı tárizde ótkerilgen iláj tek jaslardı fizikalıq tayarlıqta jaqsılawǵa ǵana emes, bálkim, olardı watansúyiwshilik ruwxında tárbiyalawǵa qaratılǵan edi. Ushırasıwda qatnasqanlar ózleriniń watanǵa bolǵan muhabbatın, watan qorǵawıdaǵı juwapkershilikti jáne de tereńrek sezine aldı. Ilájdıń ótkeriliwi, ásirese, jas áwladtı elimizdi súyiw hám oǵan xızmet etiw jolında óz maqsetlerine erisiwlerine túrtki bolıwına xızmet etedi.