Filial talabalari esdalik sovg‘asi bilan taqdirlandi
28 апр 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Turaqlı sharwashılıq jolında: Filialda respublikalıq ilimiy-texnikalıq ánjumanı
2025-jıl 25-aprel kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında "Aralboyı aymaǵında sharwashılıqta innovaciyalıq texnologiyalar hám rawajlanıw perspektivaları" atamasında Respublikalıq ilimiy-texnikalıq konferenciya bolıp ótti. Bul áhmiyetli ilimiy ánjuman sharwashılıq tarawında alıp barılıp atırǵan zamanagóy izertlewlerdi bir jerge jámlew, aldınǵı tájiriybelerdi almasıw, sonday-aq, tarawdı turaqlı rawajlandırıw boyınsha strategiyalıq baǵdarlardı belgilew maqsetinde shólkemlestirildi.
Ilajdı filial direktorı A.Esimbetov kiris sóz benen ashtı. Konferenciyada respublikanıń jetekshi joqarı bilimlendiriw hám ilimiy-izertlew mákemeleriniń professor-oqıtıwshıları, ilimiy xızmetkerler, jas ilimpazlar, magistrantlar hám student-jaslar belsene qatnastı. Ánjuman sheńberinde sharwashılıq tarawınıń ekologiyalıq, ekonomikalıq hám ilimiy-texnikalıq tiykarların bekkemlew, zamanagóy texnologiyalardı engiziw, ilim hám óndiristiń integraciyasın kúsheytiw sıyaqlı áhmiyetli temalar keńnen dodalandı.
Bul ilimiy-texnikalıq konferenciya ushın jámi 70 ke shamalas ilimiy maqala usınıldı. Usınılǵan materiallar arasında haywanlar selekciyası, násilshilik, azıqlandırıw texnologiyaları, veterinariya-profilaktikalıq ilajlar, sharwashılıqta ekologiyalıq qatnaslar, genetikalıq tallaw usılları hám biotexnologiyalıq jańalıqlar sıyaqlı hár qıylı baǵdarlar qamtıp alınǵan bolıp, olar tarawǵa baylanıslı fundamental hám ámeliy ilimiy izleniwlerdiń nátiyjeli nátiyjelerin sáwlelendiredi.
Konferenciyanıń xalıqaralıq ilimiy baylanıslardı bekkemlewdegi ornı da ayrıqsha itibarǵa ılayıq. Atap aytqanda, Qazaqstan Respublikasınıń Alma-ata qalasındaǵı Texnologiya universiteti "Azıq-awqat ónimleri texnologiyası" kafedrasınıń professorı S.Mirzakulov konferenciyada onlayn tárizde belsene qatnastı. Ol "Qazaqstanda sharwashılıqtı rawajlandırıwdıń ilimiy-texnologiyalıq tárepleri" atamasında ilimiy bayanat penen qatnasıp, Aralboyı regionındaǵı ilimiy jumıstı joqarı bahalap, bul konferenciyanı ilimiy hám ámeliy tájiriybe almasıw ushın áhmiyetli maydan sıpatında tán aldı.
Professor S.Mirzakulov óziniń jıllı pikirlerinde bul konferenciya tek ǵana regionallıq emes, al xalıqaralıq ilimiy birge islesiwdi bekkemlew, tarawǵa baylanıslı zamanagóy kózqaraslar menen tanısıw, sonday-aq, jas izertlewshilerdi xoshametlew hám olardı ilimiy jumısqa keńnen tartıw kózqarasınan da úlken áhmiyetke iye ekenin atap ótti.
Konferenciya juwmaǵında eń jaqsı ilimiy maqalalar tańlap alınıp, avtorlar filial basshıları tárepinen sertifikatlar hám estelik sawǵaları menen sıylıqlandı. Bul ánjuman Aralboyı aymaǵında sharwashılıq tarawın innovaciyalıq tiykarda rawajlandırıwda gezektegi áhmiyetli qádem bolıp xızmet etetuǵını sózsiz.
Bul ilimiy-texnikalıq konferenciya ushın jámi 70 ke shamalas ilimiy maqala usınıldı. Usınılǵan materiallar arasında haywanlar selekciyası, násilshilik, azıqlandırıw texnologiyaları, veterinariya-profilaktikalıq ilajlar, sharwashılıqta ekologiyalıq qatnaslar, genetikalıq tallaw usılları hám biotexnologiyalıq jańalıqlar sıyaqlı hár qıylı baǵdarlar qamtıp alınǵan bolıp, olar tarawǵa baylanıslı fundamental hám ámeliy ilimiy izleniwlerdiń nátiyjeli nátiyjelerin sáwlelendiredi.
Konferenciyanıń xalıqaralıq ilimiy baylanıslardı bekkemlewdegi ornı da ayrıqsha itibarǵa ılayıq. Atap aytqanda, Qazaqstan Respublikasınıń Alma-ata qalasındaǵı Texnologiya universiteti "Azıq-awqat ónimleri texnologiyası" kafedrasınıń professorı S.Mirzakulov konferenciyada onlayn tárizde belsene qatnastı. Ol "Qazaqstanda sharwashılıqtı rawajlandırıwdıń ilimiy-texnologiyalıq tárepleri" atamasında ilimiy bayanat penen qatnasıp, Aralboyı regionındaǵı ilimiy jumıstı joqarı bahalap, bul konferenciyanı ilimiy hám ámeliy tájiriybe almasıw ushın áhmiyetli maydan sıpatında tán aldı.
Professor S.Mirzakulov óziniń jıllı pikirlerinde bul konferenciya tek ǵana regionallıq emes, al xalıqaralıq ilimiy birge islesiwdi bekkemlew, tarawǵa baylanıslı zamanagóy kózqaraslar menen tanısıw, sonday-aq, jas izertlewshilerdi xoshametlew hám olardı ilimiy jumısqa keńnen tartıw kózqarasınan da úlken áhmiyetke iye ekenin atap ótti.
Konferenciya juwmaǵında eń jaqsı ilimiy maqalalar tańlap alınıp, avtorlar filial basshıları tárepinen sertifikatlar hám estelik sawǵaları menen sıylıqlandı. Bul ánjuman Aralboyı aymaǵında sharwashılıq tarawın innovaciyalıq tiykarda rawajlandırıwda gezektegi áhmiyetli qádem bolıp xızmet etetuǵını sózsiz.
Málimleme xızmeti
