Talaba-qizlar o‘rtasida o‘rtoqlik voleybol bahslari tashkil etildi
18 апр 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Evroaziya osyotr balıqların saqlaw baǵdarlamasınıń kuratorı Aleksey Chernyak Nókis filialında boldı
Evroaziya haywanat baǵı hám akvariumları regionallıq associaciyasınıń (EARAZA) Evraziyanıń eń siyrek ushırasatuǵın osyotr balıqların saqlaw baǵdarlamasınıń kuratorı Aleksey Chernyak Samarqand mámleketlik veterinariya medicinası, sharwashılıq hám biotexnologiyalar universitetiniń Nókis filialına bardı. Sapar dawamında miyman filial basshıları menen ushırastı hám filial direktorı A.Esimbetov penen balıqshılıq tarmaǵın bunnan bılay da rawajlandırıw boyınsha sóylesiwler alıp bardı. Sóylesiw waqtında balıqshılıq tarawında qospa ilimiy-ámeliy joybarlardı jolǵa qoyıw, tájiriybe almasıw hám xalıqaralıq birge islesiwdi kúsheytiw máseleleri dodalandı. Kurator Aleksey Chernyak filial aymaǵındaǵı jasalma basseynler hám oqıw-laboratoriyalar menen jaqınnan tanıstı. Ol jerdegi ilimiy-ámeliy baza miyman tárepinen unamlı bahalandı. Ásirese, zooinjeneriya baǵdarında bilim alıp atırǵan student-jaslar ushın bunday ushırasıwlar úlken áhmiyetke iye. Olar teoriyalıq bilimlerin ámeliyat penen bekkemlew, siyrek ushırasatuǵın balıq túrlerin saqlaw hám kóbeytiw boyınsha zamanagóy tájiriybeler menen tanısıw imkaniyatına iye boldı. Bunday xalıqaralıq birge islesiw baylanısları filial ushın oǵada paydalı ekenin atap ótiw kerek. Studentler tarawǵa baylanıslı jańalıqlar, aldınǵı texnologiyalar hám xalıqaralıq tájiriybeni ózlestiriw arqalı óz bilim hám kónlikpelerin jáne de bayıtıwı múmkin.
Bul bolsa, óz gezeginde, mámleketimiz balıqshılıq sanaatınıń keleshektegi rawajlanıwı ushın áhmiyetli tiykar jaratadı. Sapar dawamında, sonday-aq, Ámiwdárya basseynine tán bolǵan úlken kurak tumsıq balıq túrlerin saqlaw hám olardı jáne de kóbeytiw baǵdarında birgelikte jumıs alıp barıwǵa kelisip alındı. Sapar etiw juwmaǵında tárepler balıqshılıq tarawında birge islesiwdi jáne de bekkemlew, ilimiy-izertlew jumısların qollap-quwatlaw hám birgeliktegi joybarlardı ámelge asırıw boyınsha óz-ara kelisimge eristi.Bunday sapar etiwler tek ǵana tarawdıń rawajlanıwına emes, al jas áwladtıń professional qáliplesiwine de úlken túrtki beretuǵını sózsiz.
Bul bolsa, óz gezeginde, mámleketimiz balıqshılıq sanaatınıń keleshektegi rawajlanıwı ushın áhmiyetli tiykar jaratadı. Sapar dawamında, sonday-aq, Ámiwdárya basseynine tán bolǵan úlken kurak tumsıq balıq túrlerin saqlaw hám olardı jáne de kóbeytiw baǵdarında birgelikte jumıs alıp barıwǵa kelisip alındı. Sapar etiw juwmaǵında tárepler balıqshılıq tarawında birge islesiwdi jáne de bekkemlew, ilimiy-izertlew jumısların qollap-quwatlaw hám birgeliktegi joybarlardı ámelge asırıw boyınsha óz-ara kelisimge eristi.Bunday sapar etiwler tek ǵana tarawdıń rawajlanıwına emes, al jas áwladtıń professional qáliplesiwine de úlken túrtki beretuǵını sózsiz.
