Talaba-qizlar o‘rtasida o‘rtoqlik voleybol bahslari tashkil etildi
18 апр 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Jaslardı milliy qádiriyatlar ruwxında tárbiyalawǵa qaratılǵan úgit-násiyat ilajı ótkerildi
2025-jıl 10-aprel kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında búgingi kúnniń áhmiyetli mashqalalarınan biri - diniy ekstremizm hám terrorizmge qarsı gúresiw, sonday-aq, diniy keńpeyillik, ulıwma milliy tatıwlıq hám milletleraralıq awızbirshilikti úgit-násiyatlawǵa baǵıshlanǵan ruwxıy-aǵartıwshılıq ilajı bolıp ótti. Ilajdı filialınıń Jaslar máseleleri hám ruwxıy-aǵartıwshılıq isleri boyınsha direktor orınbasarı X.Abdijaliyev kiris sóz benen ashtı. Ol óziniń shıǵıp sóylegen sózinde, búgingi kúnde jaslar arasında diniy sawatlılıqtı arttırıw, olardı hár qıylı buzǵınshı ideyalardan saqlaw hám salamat turmıslıq poziciyaǵa iye bolıwına járdemlesiw zárúrligin atap ótti. Úgit-násiyatlaw ilajında Ózbekstan Respublikası Din isleri boyınsha komiteti Qaraqalpaqstan Respublikası aymaqlıq basqarması Nókis qalalıq bas qánigeleri X.Nizamatov hám N.Jamalov, Qaraqalpaqstan Respublikası Ishki isler ministrligi Terrorizmge qarsı gúresiw basqarmasınıń jetekshi qánigesi S.Tanabergenov, sonday-aq, filialdıń profilaktika inspektorı, kapitan Q.Qayıpnazarov hám student-jaslar qatnastı. Qánigeler ózleriniń shıǵıp sóylewlerinde diniy ekstremizm hám terrorizmniń jámiyetke unamsız tásiri, bul illetlerge qarsı alıp barılıp atırǵan ilajlar, sonday-aq, dinniń tiykarǵı mánisi - tınıshlıq, tatıwlıq hám adamgershilik principlerin keńnen túsindirip berdi. Ásirese, jaslardıń radikal ideyalarǵa berilmewi, sociallıq tarmaqlardaǵı nadurıs diniy málimlemelerden xabardar bolıwı, sanalı hám sergek bolıwı zárúr ekenligi ayrıqsha atap ótildi. Ilaj dawamında student-jaslar ózlerin qızıqtırǵan sorawlarǵa juwaplar aldı, ashıq pikirlesiw túrinde pikir alısıw imkaniyatına iye boldı. Bayanachılar tárepinen, sonday-aq, milletleraralıq tatıwlıq hám diniy keńpeyillikti bekkemlew, jámiyette óz-ara húrmet hám awızbirshilik ortalıǵın kúsheytiw baǵdarında alıp barılıp atırǵan mámleketlik siyasat haqqında da tolıq maǵlıwmatlar berildi. Bul ilaj Ózbekstan Respublikası Prezidentiniń 2025-jıl 19-marttaǵı "Ulıwma milliy tatıwlıq hám sırt eldegi watanlaslar menen baylanıslardı bekkemlewdi jańa basqıshqa alıp shıǵıwǵa baylanıslı ilajlar haqqında"ǵı PQ-52-sanlı Pármanı, sonday-aq, "Ózbekstan Respublikası Milletleraralıq qatnasıqlar hám sırt eldegi watanlaslar máseleleri boyınsha komitetiniń jumısın nátiyjeli shólkemlestiriw ilajları haqqında"ǵı PQ-115-sanlı qararınıń mazmun-mánisin keń jámiyetshilik, ásirese, jaslardıń sanasına jetkeriw, olar arasında ideologiyalıq immunitetti kúsheytiw, watansúyiwshilik hám milliy qádiriyatlar ruwxında tárbiyalawǵa xızmet etti.
