Talaba-qizlar o‘rtasida o‘rtoqlik voleybol bahslari tashkil etildi
18 апр 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Qaraqalpaqstan Respublikası Konstituciyası qabıl etilgeniniń 32 jıllıǵına baǵıshlanǵan ilaj
2025-jıl 4-aprel kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında Qaraqalpaqstan Respublikası Konstituciyasınıń 32 jıllıǵı múnásibeti menen saltanatlı ilaj bolıp ótti. Bul ilaj Qaraqalpaqstan Respublikasınıń huqıqıy tiykarların bekkemlew hám konstituciyalıq qádiriyatlardı keńnen úgit-násiyatlaw maqsetinde shólkemlestirildi. Ilajdı filial direktorı, professor A.Esimbetov ashıp, Konstituciya mámleket ǵárezsizligi hám huqıqıy rawajlanıwınıń tiykarı ekenin atap ótti.
Ol óziniń shıǵıp sóylegen sózinde Qaraqalpaqstan Respublikasınıń Konstituciyası mámlekettiń siyasiy, sociallıq hám ekonomikalıq rawajlanıwında áhmiyetli orın iyeleytuǵının atap ótti. Onda Qaraqalpaqstan Respublikası Joqarǵı Keńesiniń Agrar, suw xojalıǵı, tábiyattı qorǵaw hám ekologiya máseleleri boyınsha komitetiniń baslıǵı A.Jumanazarov, Májbúriy orınlaw byurosı Qaraqalpaqstan Respublikası basqarmasınıń bólim baslıǵı B.Otebaev hám Qaraqalpaqstan Respublikası Bajıxana basqarması baslıǵınıń orınbasarı N.Nazarbaev qatnastı. Olar óz shıǵıp sóylewlerinde Konstituciyanıń jámiyetlik turmıstaǵı ornı, mámleketlik basqarıw hám insan huqıqların támiyinlewdegi roli haqqında sóz etip, jas áwladtı konstituciyalıq bilimlerge iye bolıwǵa hám huqıqıy mádeniyattı arttırıwǵa shaqırdı.
Ilaj dawamında Konstituciyanıń qabıl etiliwi tariyxına baylanıslı maǵlıwmatlar berilip, mámleketimizde ámelge asırılıp atırǵan reformalar, nızamshılıq sistemasındaǵı jańalıqlar hám jaslardıń huqıqıy sawatlılıǵın arttırıw boyınsha pikir alısıldı. Ilaj juwmaǵında qatnasıwshılar Konstituciyanıń hár bir puqaranıń turmısındaǵı áhmiyetin jáne bir márte atap ótip, onıń qádiriyatların húrmet etiw hám ámeliyatqa engiziw áhmiyetli ekenligin atap ótti.
