Nawrız bayramıńız qutlı bolsın
Assalawma aleykum qádirli professor – oqıtıwshılar, talabalar hám húrmetli filial jámááti!
Mine úlkemizge bárshemiz asıǵıslıq penen kútken, Ulıstıń ullı kúni, musılman xalqınıń Jańa jılı bolǵan - NAWRIZ bayramı kirip keldi. Mıń jıllar dawamında ruwxıy turmısımızdıń kóriki bolıp kiyatırǵan, milliy qádiriyatlardı, úrp-ádetler hám dástúrlerdi sáwlelendidriwshi bul ájayıp bayram bıyılǵı jılı “Qádiriyatlariń mangi bolsın, Nawriz!” súreni astında elimizde keń bayramlanıp atır.
Elimizde ámelge asırılıp atırǵan barlıq tarawlardaǵı reforma hám jańalanıwlar tap usı ullı maqsetke - hár kúnimiz Nawrız bolıwına, yaǵnıy, xalqımızdıń abadan hám párawan jasawına, ótip atırǵan har kúnimizden razı bolıp jasawǵa qaratılǵanlıǵın bárshemiz tereń sezinemiz.
Áziz hám húrmetli professor -oqıtıwshılar, student-jaslar!
Bársheńizdi kirip kelgen ullı áyyam - Nawrız bayramı benen shın júrekten qutlıqlayman. Sizlerge bekkem den-sawlıq, uzaq-mazmunlı ómir, talmas kúsh-ǵayrat, baxıt, shańaraǵıńızǵa amanlıq hám awızbirshilik, jumısıńızda hám oqıwlarınızda tasqın tabıslar tileymen.
Hesh waqıtta júzlerińizden kúlki arımaǵay. Iláyım aspanımız ashıq, elimiz tınısh, dáryamızda suw mol bolǵay.
Jáne bir márte Nawrız bayramıńız qutlı bolsın, ilayım «Hár kúnińiz Nawrız bolsın» qádirdan doslar.
Hurmet penen,
Adilbay Esimbetov. filial direktori, b.i.d. professor
скачать dle 12.1
Telefon
E-mail
