Talaba-qizlar o‘rtasida o‘rtoqlik voleybol bahslari tashkil etildi
18 апр 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Studentlerge siyasiy-aǵartıwshılıq saatı ótkerildi
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında student-jaslar ushın "Siyasiy-aǵartıwshılıq saatı" shólkemlestirildi.
Bul ilajda "Veterinariya hám zooinjeneriya" fakulteti dekanı, A.Kaniyazov tárepinen Ózbekstannıń házirgi ekonomikalıq,
jámiyetlik-siyasiy jaǵdayı haqqında áhmiyetli maǵlıwmatlar usınıldı. Máripat sabaǵında studentlerge 2025-jıl 3-mart kúni Ózbekstan Respublikası Prezidenti Shavkat Mirziyoyevtiń awıl xojalıǵında xalıqaralıq birge islesiwdi rawajlan-dırıwǵa baǵıshlanǵan májilisinde qabıl etilgen qararlar haqqında tolıq maǵlıwmat berildi. Bul májiliste mámleket basshısı awıl xojalıǵı tarawında xalıqaralıq birge islesiwdi kúsheytiw, innovaciyalıq
texnologiyalardıengiziw hám túrli mámleketler menen birgelikte ámelge asırılatuǵın joybarlar haqqında aytıp ótti.
Bunnan tısqarı, Ózbekstan hám Franciya arasındaǵı bilimlendiriw tarawındaǵı jańa birge islesiw máseleleri de dodalandı. Ózbekstan Respublikası Prezidenti Shavkat Mirziyoyevtiń Franciyaǵa saparı sheńberinde, eki mámleket arasındaǵı bilimlendiriw tarawındaǵı strategiyalıq birge islesiwdi bekkemlew maqsetinde áhmiyetli kelisimge qol qoyıldı. Bul kelisim sheńberinde, Ózbekstan-Franciya universitetin shólkemlestiriw rejelestirilgen bolıp, bul universitet Ózbekstan hám Franciya arasındaǵı bilimlendiriw, ilim hám texnologiya tarawlarında birge islesiwdi jáne de rawajlandırıwǵa xızmet etedi. Kelisimge Ózbekstan Respublikası Joqarı bilimlendiriw, ilim hám innovaciyalar ministri Qońıratbay Sharipov hám Franciya Respublikası Joqarı bilimlendiriw hám izertlewler ministri Filip Batist qol qoydı. Bul birge islesiw, oqıwshılar hám ilim tarawındaǵı qánigeler ushın jańa imkaniyatlar jaratadı hám eki mámleket arasındaǵı mádeniy baylanıslardı kúsheytedi.
Ilaj sońında A.Kaniyazov jaslardı mámlekette ámelge asırılıp atırǵan ekonomikalıq hám siyasiy reformalar menen tanıstırıp, studentlerdi belsendi puqaralıq poziciyasına shaqırdı. Siyasiy-aǵartıwshılıq saatı jaslardıń dúnyaǵa kózqarasın keńeytiwge, olardı mámleketimizde bolıp atırǵan waqıyalar haqqında xabardar etiwge qaratılǵan áhmiyetli ilajlardan biri bolıp esaplanadı. Bunday sabaqlar studentlerdiń tek ilimiy emes, al siyasiy hám jámiyetlik tarawda da jetik shaxslar bolıp jetilisiwine járdem beredi.
Málimleme xızmeti
