SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Korrupciya - rawajlanıw dushpanı temasında student-jaslarǵa túsinikler berildi

Samarqand mámleketlik veterinariya medicinası, sharwashılıq hám biotexnologiyalar universitetiniń Nókis filialında "Huqıqbuzarlıqlar profilaktikası kúni" múnásibeti menen úgit-násiyat ilajı ótkerildi. Ilajdıń tiykarǵı teması - "Korrupciya - rawajlanıwdıń jemiriwshisi" bolıp, bul tema student-jaslar arasında korrupciyanıń zıyanlı aqıbetlerin túsindiriw, onıń aldın alıw hám oǵan qarsı gúresiwde hár bir shaxstıń ornı haqqında keń túsinik beriwdi maqset etken. Ilajda Nókis filialınıń Jaslar menen islesiw boyınsha dekan orınbasarı E.Seytmuratov, filial profilaktika inspektorı, kapitan Q.Qayıpnazarov hám filial yuriskonsultı N.Kannazarova hám student-jaslar qatnastı.

Bul ilajdı Jaslar máseleleri hám ruwxıy-aǵartıwshılıq isleri boyınsha direktor orınbasarı X.Abdijaliev ashıp berdi. Ilajda shıǵıp sóylegen barlıq qatnasıwshılar korrupciyanıń jámiyetlik rawajlanıwǵa bolǵan unamsız tásirlerin atap ótip, jaslardı bul jolda belsendi bolıwǵa shaqırdı. Atap aytqanda, E.Seytmuratov sózlerinde, korrupciya hár bir taraw ushın úlken qáwip ekeni, onıń jámiyettiń sociallıq-ekonomikalıq rawajlanıwın tómenletiwi hám ádilliktiń joǵalıwına alıp keletuǵının atap ótti. Ol jaslardı sergek bolıwǵa, huqıqbuzarlıqlardıń aldın alıw ushın ózleriniń sanalı qatnasların qáliplestiriwge shaqırdı. Filialdıń profilaktika inspektorı, kapitan Q.Qayıpnazarov korrupciya hám basqa da huqıqbuzarlıqlarǵa qarsı gúresiwde huqıq qorǵaw uyımlarınıń roli hám jaslar arasında huqıqıy úgit-násiyatlaw jumıslarınıń áhmiyetin ayrıqsha atap ótti.

Ol, sonday-aq, huqıqbuzarlıqlarǵa qarsı nátiyjeli gúresiw ushın barlıq sociallıq qatlamlar, sonıń ishinde, jaslar birgelikte belsendi bolıwı kerek ekenligin atap ótti. Yuristkonsult N.Kannazarova bolsa korrupciya hám basqa da huqıqbuzarlıqlardıń aldın alıw boyınsha huqıqıy usınıslar berdi. Ásirese, jaslar ushın huqıqıy bilimlerdi arttırıw hám olardı nızamlarǵa húrmet penen múnásibet jasawǵa shaqırdı. Ilaj dawamında studentler ózleriniń sorawların berip, korrupciyaǵa qarsı gúresiw, onıń aldın alıw ushın qanday ámeliy ilajlar kóriw zárúrligin dodaladı.

Ilajdı ótkeriwdiń tiykarǵı maqseti jaslardı huqıqbuzarlıqlar hám korrupciyaǵa qarsı turıwǵa xoshametlew, olar arasında bolǵan zárúrlikti túsindiriw edi.Solay etip, Nókis filialında ótkerilgen bul ilaj jaslardı huqıqıy sananı rawajlandırıw hám jámiette ádillikti támiyinlewge huqıqbuzarlıqlarǵa qarsı jedel gúresiwge shaqırdı hám korrupciyanıń rawajlanıwǵa bolǵan unamsız tásirlerin keń jámiyetshilikke jetkeriw maqsetinde áhmiyetli qádem boldı. Bunday ilajlar, álbette, jaslardıń jámiyettegi roli hám ornı haqqında jáne de keńirek túsinikke iye bolıwına járdem beredi.