Talaba-qizlar o‘rtasida o‘rtoqlik voleybol bahslari tashkil etildi
18 апр 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Dúnya júzilik tutınıwshılar huqıqların qorǵaw kúni múnásibeti menen ushırasıw ótkerildi
12-mart kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında 15-mart Dúnya júzilik tutınıwshılardıń huqıqların qorǵaw kúni múnásibeti menen ushırasıw ótkerildi. Ilajda finanslıq sawatlılıq teması dodalandı. Ushırasıwda filial basshıları, Qaraqalpaqstan Respublikası Básekini rawajlandırıw hám tutınıwshılardıń huqıqların qorǵaw boyınsha komiteti bas qánigesi A.Aybergenov, Qaraqalpaqstan Respublikası Tutınıwshılardıń huqıqların qorǵaw jámiyetleri federaciyasınıń atqarıwshı direktorı M.Mustafaev, professor-oqıtıwshılar hám student-jaslar qatnastı.
Filial direktorı A.Esimbetov ushırasıwdı kiris sóz menen ashtı. Ilajdıń tiykarǵı maqseti tutınıwshılardıń huqıqların qorǵaw hám finanslıq sawatlılıqtı arttırıw edi. Bul kúnniń áhmiyeti, ásirese, studentler ushın úlken. Sebebi, joqarı dárejede finanslıq sawatlılıqtı iyelew olardıń keleshekte ekonomikalıq qararlar qabıl etiwde durıs múnásibetti qáliplestiriwge járdem beredi. Qánigeler finanslıq erkinlikke erisiw ushın zárúr bilimlerge iye bolıwdıń áhmiyetin atap ótti.
A.Aybergenov hám M.Mustafaev óz shıǵıp sóylewlerinde, tutınıwshılardıń huqıqların qorǵawdıń nızamlı tiykarların, sonday-aq, finanslıq xızmetler hám ónimler boyınsha durıs tańlawdı ámelge asırıwdı túsindirdi. Tutınıwshılardıń huqıqları qorǵalıwın támiyinlew, sonday-aq, básekini rawajlandırıw jámiyettiń turaqlı rawajlanıwına járdem beretuǵını atap ótildi. Studentler de óz pikirlerin bildirip, finanslıq sawatlılıqtı arttırıwǵa qaratılǵan baǵdarlamalardı jáne de jetilistiriw hám bul baǵdarda óz-ara tájiriybe almasıwdı kóbirek shólkemlestiriw kerek ekenligin bildirdi. Ilaj sońında, qatnasıwshılar ózleriniń finanslıq bilimi hám huqıqlardı qorǵaw boyınsha jańa kónlikpelerdi alǵanın atap ótti.
Usı tárizde, bul ushırasıwda alınǵan bilimler tek ǵana studentler ushın emes, al pútkil jámáát ushın ayrıqsha áhmiyetke iye boldı, sebebi búgingi kúnde finanslıq sawatlılıq hám tutınıwshılardıń huqıqların qorǵaw jámiyettiń turaqlı rawajlanıwına áhmiyetli úles qosadı.
A.Aybergenov hám M.Mustafaev óz shıǵıp sóylewlerinde, tutınıwshılardıń huqıqların qorǵawdıń nızamlı tiykarların, sonday-aq, finanslıq xızmetler hám ónimler boyınsha durıs tańlawdı ámelge asırıwdı túsindirdi. Tutınıwshılardıń huqıqları qorǵalıwın támiyinlew, sonday-aq, básekini rawajlandırıw jámiyettiń turaqlı rawajlanıwına járdem beretuǵını atap ótildi. Studentler de óz pikirlerin bildirip, finanslıq sawatlılıqtı arttırıwǵa qaratılǵan baǵdarlamalardı jáne de jetilistiriw hám bul baǵdarda óz-ara tájiriybe almasıwdı kóbirek shólkemlestiriw kerek ekenligin bildirdi. Ilaj sońında, qatnasıwshılar ózleriniń finanslıq bilimi hám huqıqlardı qorǵaw boyınsha jańa kónlikpelerdi alǵanın atap ótti.
Usı tárizde, bul ushırasıwda alınǵan bilimler tek ǵana studentler ushın emes, al pútkil jámáát ushın ayrıqsha áhmiyetke iye boldı, sebebi búgingi kúnde finanslıq sawatlılıq hám tutınıwshılardıń huqıqların qorǵaw jámiyettiń turaqlı rawajlanıwına áhmiyetli úles qosadı.
Málimleme xızmeti
