Talaba-qizlar o‘rtasida o‘rtoqlik voleybol bahslari tashkil etildi
18 апр 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Prezident hám ataqlı mámleketlik stipendiya iyelerine gúwalıqlar tapsırıldı
Bársheńizge belgili, 2024-2025-oqıw jılı ushın joqarı oqıw orınlarınıń bakalavriat basqıshınıń 83 studenti Ózbekstan Respublikası Prezidenti stipendiyası hám ataqlı mámleketlik stipendiyalarǵa ılayıq dep tabılıp, olardıń arasında Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń 5 studenti mámleketlik stipendiyalar tańlawınıń jeńimpazları bolǵan edi.
Jaqında, olar ushın Joqarı bilimlendiriw, ilim hám innovaciyalar ministriniń qolı hám móri basılǵan gúwalıqlar jetip keldi hám usı jıldıń 1-mart kúni filialdıń ilimiy keńesinde óz iyelerine saltanatlı túrde tapsırıldı. Ilajda filial direktorı A.Esimbetov tárepinen jeńimpaz student-jaslar qutlıqlanıp, olarǵa óziniń qızǵın hám jıllı pikirlerin bildirdi. Sonday-aq, direktor bul tabıstı tek ǵana studentlerdiń jetiskenligi emes, al filialdıń ilimiy potencialı hám oqıtıwshılar menen birge islesiwdiń nátiyjesi sıpatında kórsetti. Onıń atap ótiwinshe, mámleketlik stipendiya tek ǵana studentler ushın úlken tán alıw hám xoshametlew bolıp qalmastan, al olardı keleshekte jáne de joqarı nátiyjelerge erisiw ushın ilhamlandıradı.
Bilimli student-jaslarımızdıń bul tabısları óz bilimleri, izleniwleri hám miynetleriniń nátiyjesi bolıp esaplanadı. Keleshekte, olardıń oqıw jumısları jáne de nátiyjeli dawam etiwi hám filialdıń ilimiy potencialın arttırıwǵa úles qosıwı kútilmekte. Bul sıylıqlar studentlerge ózlerin sınaqtan ótkeriw imkaniyatın jaratıw menen birge, olardıń keleshektegi ilimiy hám kásiplik jumıslarına áhmietli tásir kórsetedi.
Bilimli student-jaslarımızdıń bul tabısları óz bilimleri, izleniwleri hám miynetleriniń nátiyjesi bolıp esaplanadı. Keleshekte, olardıń oqıw jumısları jáne de nátiyjeli dawam etiwi hám filialdıń ilimiy potencialın arttırıwǵa úles qosıwı kútilmekte. Bul sıylıqlar studentlerge ózlerin sınaqtan ótkeriw imkaniyatın jaratıw menen birge, olardıń keleshektegi ilimiy hám kásiplik jumıslarına áhmietli tásir kórsetedi.
Málimleme xızmeti
