Talaba-qizlar o‘rtasida o‘rtoqlik voleybol bahslari tashkil etildi
18 апр 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Ijara úylerde jasap atırǵan studentlerdiń jaǵdayından xabar alındı
«Veterinariya hám zooinjeneriya» fakultetiniń tyutorları hám de profilaktika inspektorı, Kapitan Q.Qayıpnazarov studentler jasaw sharayatların jaqsılaw hám olardıń qáwipsizligin támiyinlew maqsetinde ijara úylerdi úyreniw ilájların ótkermekte. Bul ilájda studentler jasap atırǵan úylerdegi qáwipsizlik jaǵdayı, atap aytqanda, órt qáwipsizligi hám gaz iyisinen záhárleniw tuwralı zárúrli usınıslar berildi. Ilájdıń tiykarǵı maqseti, studentlerge qáwipsizlikti arttırıw boyınsha tiyisli másláhatlerdi beriw, olardıń jasaw sharayatların jaqınnan úyreniwden ibarat. Kapitan Q.Qayıpnazarov, studentler jasap atırǵan úylerde órt qáwipsizligi qaǵıydalarına ámel qılıwdıń áhmiyetin ayrıqsha atap ótti. Birinshi gezekte, elektr úskeneleri hám jılıtıw sistemalarınıń durıs islep turǵanın, sonıń menen birge, elektr sımlarınıń jaramlılıǵın tekserip turıw zárúr ekenligin aytıp ótti.
Elektr úskenelerin nadurıs paydalanıw, kúshli júklemeler hám elektr úskenelerindegi buzılıwlar órt qáwpin arttırıwı múmkin, sol sebepli hár bir student óz úylerindegi elektr sistemaların tekserip turıwı kerek. Sonıń menen birge, gaz iyisinen záhárleniwdiń aldın alıw boyınsha keń túrde túsinikler berildi Bul ijara úylerdi úyreniwler studentler arasında qáwipsizlik mádeniyatın arttırıw hám olardıń jasaw sharayatların jaqsılawdı támiyinlewge qaratılǵan. Bul iláj, jaslardı óz qáwipsizligin támiyinlewde juwapkershilikli bolıwǵa shaqıradı hám olardıń ijara xojalıqlarındaǵı órt qáwipsizligi, gaz iyisinen záhárleniw sıyaqlı zárúrli máselelerde sergek bolıwın támiyinleydi.
Bunday profilaktikalıq ilájlar studentler arasında qáwipsizlikti arttırıw, ijara úylerde salamat hám qáwipsiz ortalıq jaratıw ushın júdá zárúrli bolıp tabıladı. Sonıń menen birge, studentler arasında jámiyetke degen juwapkershilikti arttıradı hám ulıwma qáwipsizlik mádeniyatınıń qáliplesiwine járdem beredi. Hár bir student óz úyiniń qáwipsizligin támiyinlewde, óziniń hám basqa studentlerdiń párawanlıǵın oylap háreket etiwge juwapker ekenligin jáne bir márte sezindi. Ijara úylerde jasap atırǵan studentlerdiń jasaw sharayatların úyreniw jumısları dawam etpekte.
